Marneuli meriyası bələdiyyənin balansında olan nəqliyyat vasitələrinin təmiri və texniki xidməti üçün 765 237 lari dəyərində tender elan edib. Qeyd olunan məbləğ xidmətin təxmini qiymətidir və müqavilə vəsaiti 60 000 lari nəzərdə tutur.

Tenderdə qalib gələn şirkət nəqliyyat vasitələrinə aşağıdakı texniki xidmət növlərini göstərməlidir: profilaktik və diaqnostik xidmətlər, təmirlə bağlı bütün növ xidmətlər.

Həmin xidmətlərə aşağıdakılar daxildir:

• Ehtiyat hissələrinin təmiri və ya dəyişdirilməsi;
• Sürtkü yağlarının dəyişdirilməsi;
• Kompüter diaqnostikası;
• Diaqnostika (hərəkət hissəsi, mühərrik, güc blokları);
• Təkərlərin sökülməsi-yığılması, təmiri-balanslaşdırılması;
• Alüminium və dəmir disklərin təmiri;
• Salonun təmiri (torpedo, qapı, baqaj, tavan və s.);
• Elektrik işləri.

“Xidmət təcili şəkildə göstərilməlidir. Qalib şirkət tender elan edənin müraciətindən sonra 1 (bir) gündən gec olmayaraq nəqliyyat vasitəsini texniki baxışdan keçirməyə, yoxlanıldıqdan sonra isə 1 (bir) gün müddətində alıcıya çatışmazlıqlarla bağlı (protokolda göstərilən xidmət, həcmi və dəyəri, göstəriləcək xidmətin yerinə yetirilmə tarixləri , yaxud bu xidmət üçün tələb olunan ehtiyat hissələri, qiyməti) imzalamaq üçün protokol təqdim etməlidir", - tender sənədlərinin izahatında yazılıb.

13 avtomobilə texniki xidmət göstərmək üçün tenderdə iştirak etmək istəyən şirkətlər 16-18 dekabr tarixində öz təkliflərini təqdim edə bilərlər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---