Kvemo Kartlidə “Lelo – Güclü Gürcüstan” partiyasından 4 namizəd, Bolnisi merliyinə və Marneuli Bələdiyyə Məclisinə 3 majoritar namizəd seçkilərdən çəkiləcəklərini və “Gürcü Arzusu”nun lehinə namizədliklərini geri götürəcəklərini açıqlayıblar.

Bolnisi merliyinə namizəd Asəf Çıraqov sentyabrın 22-də “Gürcü Arzusu”nun lehinə namizədliyini geri götürdüyünü bəyan edib. Marneulinin üç majoritar dairəsində “Lelo” namizədləri isə sentyabrın 25-də açıqlama veriblər.

Gürcüstan Mərkəzi Seçki Komissiyasının mətbuat katibi Natia İoseliani “Marneuli” radiosuna bildirib ki, namizədlərin qərar qəbul etmək üçün vaxtı sentyabrın 18-dək idi. Onun sözlərinə görə, bu mərhələdə seçkidən çəkildiyini və başqasının xeyrinə namizədliyini geri götürdüyünü açıqlayan şəxslər yenə də seçkilərdə iştirak edəcəklər. Onların adları bülletenlərdə qalacaq.

“Qanunvericilikdə namizədin irəli sürülməsi ilə bağlı qərar aydın şəkildə müəyyən edilib. Son müddət sentyabrın 18-dir, yəni seçkilərə ən geci 16 gün qalmış olmalıdır. Bu müddətdən sonra onlar bəyanatla çıxış edə və ya Mərkəzi Seçki Komissiyasına müraciət edə bilərlər. Lakin vəziyyət dəyişməyəcək, çünki yuxarıda qeyd olunan müddətlər qanunla müəyyən edilib. Bülletenlərin çapı demək olar ki, başa çatıb və onda hər hansı dəyişiklik etmək mümkün deyil,” – deyə Natia İoseliani bildirib.

“Lelo – Güclü Gürcüstan”ın Qızılhacılıda majoritar namizədi Qara Orucov, Birinci Kosalıda Gülməmməd Qasımov, Qullarda Hümbət Cəlilov, Bolnisidə isə Asəf Çıraqov olub. Adları çəkilən namizədlər siyasi bəyanatla çıxış ediblər, lakin onların adları hələ də bülletenlərdə qalacaq və seçicilər onları normal qaydada seçə biləcəklər.

Bu gün, sentyabrın 26-da “Lelo – Güclü Gürcüstan” partiyasının lideri Badri Caparidze Marneuliyə gəlib və partiyanın üç majoritar namizədinin “Gürcü Arzusu”nun lehinə namizədliklərini geri götürməsi barədə danışıb.

Mətbuata açıqlama verən Badri Caparidze bəyan edib ki, Kvemo Kartlidə “Lelo – Güclü Gürcüstan” nümayəndələrinin təhlükəsizlik xidməti və cinayətkar qrupların nümayəndələri tərəfindən hədələnməsi halları baş verib. O, “Lelo”nun Bolnisi merliyinə namizədinin və Marneulinin üç majoritar dairəsində namizədlərin “Gürcü Arzusu” tərəfinə keçməsini məhz hədə-qorxu ilə əlaqələndirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.