Aksiya iştirakçılarının polis tərəfindən döyülməsi ilə bağlı istintaqa başlanılıb
Bu gün, 13 may tarixində Xüsusi İstintaq Xidməti tərəfindən qanunverici orqan qarşısında keçirilən aksiya iştirakçılarına qarşı hüquq-mühafizə orqanları əməkdaşları tərəfindən güc tətbiq edilməsi faktları ilə bağlı istintaqa başlanılıb.



Video görüntülərdə polisin həm saxlama zamanı, həm də sonra, iştirakçıların əlinin bağlaması və ya yerdə sürüklənməsi, etirazçılara qarşı zorakılıq nümayiş etdirdiyi görünür. Polislər bir neçə etirazçını təpikləyib, başlarına
yumruqla zərbələr endiriblər. İstintaq Xidmətinin məlumatına görə, Gürcüstan Cinayət Məcəlləsinin 333-cü maddəsinin üçüncü hissəsinin “b” bəndində nəzərdə tutulmuş cinayət əlamətləri ilə istintaq başlanılıb.



Həmin maddə zorakılıq və ya silahdan istifadə etməklə vəzifə səlahiyyətlərinin aşılmasını nəzərdə tutur. Törədilmiş cinayətə görə beş ildən səkkiz ilədək müddətə azadlıqdan məhrumetmə, üç il müddətinə vəzifə tutma və ya işləmə hüququndan məhrumetmə cəzası nəzərdə tutulur.
Print ელ. ფოსტა
თეგები: Xüsusi İstintaq Xidmət
FaceBook Twitter Google