Marneuli bələdiyyəsinin Tsereteli-Norquli-Böyük Muğanlı-Kosalı yolunun 5-ci və 6-cı kilometrliyində yol çöküb. Çökmə həmin ərazidən hərəkət edən nəqliyyat vasitələrinin hərəkətini çətinləşdirir və sürücülərin təhlükəsizliyi üçün risk yaradır.


“Marneuli” radiosuna danışan sürücülər bildirirlər ki, bu yoldan istifadə edərkən tez-tez təhlükəli vəziyyətlə üzləşirlər. Onlar aidiyyəti qurumlardan yolun təcili təmir olunmasını tələb edirlər. Sürücülərin fikrincə, problemin vaxtında aradan qaldırılmaması həm nəqliyyat vasitələrinə, həm də insanların təhlükəsizliyinə ciddi ziyan vura bilər.

Yolun çökməsi məhz kəndlərin əkin sahələrinin suvarılması üçün istifadə olunan su kanalının keçdiyi ərazidə qeydə alınıb. Sözügedən magistral yol Marneulini yeddi kəndlə birləşdirən yeganə yoldur.


“Marneuli” radiosu Avtomobil Yolları Departamenti ilə əlaqə saxladı. İctimaiyyətlə Əlaqələr Şöbəsindən bildirildi ki, məsələ ilə bağlı məlumatları var və yolun təmirini planlaşdırırlar. Nə vaxt təmir olunacağı isə hələ məlum deyil. Onlar həmçinin qeyd etdilər ki, yolun təmir olunması ilə bağlı müvafiq qurumlara məlumat veriblər.

Xatırladaq ki, bu yol 2015-ci ildə dövlət büdcəsinin vəsaiti hesabına yenidən qurularaq istifadəyə verilmişdi. Layihəyə büdcədən 7 milyon 750 min lari ayrılmışdı.

---

Mövzu ilə bağlı digər xəbərlər:
Magistral yolda quraşdırılmış qoruyucu baryerlərin dirəkləri sökülərək oğurlanıb (VİDEO/FOTO)
Yol baryerlərinin yoxa çıxması haqqında Nəqliyyat Yol Departamentinin məlumatı yoxdur
Yol baryerlərinin yoxa çıxması haqqında Nəqliyyat Yol Departamentindən məsələni araşdıracaqlarını bildirdilər
Oğurlanan yol baryerləri yenisi ilə əvəz olunur

---

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.