Marneulidə su və kanalizasiya infrastrukturunun bərpası işlərinin başa çatması sentyabra qədər təxirə salındı.

Başa çatdırılma tarixi ilə bağlı dəfələrlə il və aylar açıqlanan layihə hələ də davam edir.

Gürcüstanın Birləşmiş Su Təchizatı Şirkətindən "Marneuli" radiosuna verilən məlumata görə, müqavilənin müddəti ikinci rübün sonuna qədər uzadılıb, daha sonra isə qüsurların aradan qaldırılması mərhələsi başlayacaq və layihə üçüncü rübün sonunda yekunlaşacaq.

Marneuli şəhəri və ətraf kəndlərdə su təchizatı və kanalizasiya layihəsinə 2019-cu ildə başlanılıb. Layihə çərçivəsində yollar qazılıb, infrastruktur sıradan çıxıb, ictimai nəqliyyata və şəxsi avtomobillərə ziyan dəyib. İlkin plana əsasən, "Akelik Group" şirkəti layihəni 2021-ci ilin martına qədər tamamlamalı idi, lakin şirkət öhdəliklərini yerinə yetirə bilmədiyi üçün 55 940 022 dollar dəyərindəki layihə dayandırılmışdı.

Su Təchizatı Şirkəti yeni müqaviləni Türkiyə və Çin şirkətləri ilə imzalayıb. Hazırda işləri "China Geo-Engineering Corporation" (CGC) və "POLAT Yol Yapi Sanayi ve Ticaret Anonim Şirketi" həyata keçirir.

Asiya İnkişaf Bankının dəstəyi ilə icra olunan layihəyə 135 milyon laridən çox vəsait sərf olunacaq. Layihə çərçivəsində yeni su təchizatı şəbəkəsi, nasos stansiyası, rezervuarlar, yeni kanalizasiya şəbəkəsi və müasir standartlara uyğun təmizləyici qurğu inşa edilir.

Layihə başa çatdıqdan sonra Marneuli əhalisi 24 saatlıq su təchizatı və yeni kanalizasiya infrastrukturu ilə təmin olunmalıdır.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.