Leyla Məmmədova öz korpusunda təbii qaz
qoxusunu bir neçə ay bundan əvvəl hiss edib. "SOGAR GEORGİA GAS"-ın
texniki qrupu yoxlayış üçün yerinə gedib və problem olmadığını
deyiblər.
3
fevralda isə Leyla öz mənzilində də qaz qoxusunu hiss edib. Qaynar
xəttə zəng etdikdən sonra qaz şirkətinin nümayəndələri tez zamanda
gəliblər və qaz sızması olduğunu aşkar ediblər.
"İki gün əvvəl qaz qoxusu hiss etdim və sobanı
yandırmağa qorxdum ki, partlayar. Evladıma zəng vurdum və dedim ki,
nə edim qaz qoxusu var. Qaynar xəttə zəng vurdular. Deməli qapını
açan kimi borunun yanına getdilər. Borudan evə sızırımış və qoxu
oradan gəlirmiş" - Leyla Məmmədova deyir.
Marneuli bazarınd qaz qızdırıcısı çox yerdə satılır. Ticarətin
aktiv dövrü isə qış başlayana qədərdir. Qaz sızmasını müəyyən edən
təbii qaz detektorunun alıması Marneulidə mümkün deyil. Satıcıların
çoxusu onun olması haqqında məlumatsızdırlar.
Yanvarda Tbilisidə qaz partlayışı dörd, qazın sızması isə ondan çox
adamın ölümünə səbəb oldu. "SOGAR GEORGİA GAS"-ın texniki qrupu
aktiv olaraq yaşayış evlərində qaz qurğularının yoxlanılmasına
başlayıb. Şirkətdən izah edirlər ki, Marneuli miqyasında monitorinq
davam edir, çatışmamazlıqlar aşkar olunan halda isə vaxtında
reaksiya göstərilir.
Marneulidə qaz qızdırıcılarının ev üsulunda montaj edilməsi
faktları çoxdur və "SOGAR GEORGİA GAS" başqa hansı pozuntuların
aşkarlandığını bildirmir və məlumatı rəsmi tələb etməyimizi qeyd
edirlər.
Marneulidə dekabr və yanvarda qaz qurğularının pozulması bir
mənzildə partlayışa səbəb oldu. Təbii qaz sızması ilə bağlı iki hal
aşkarlandı və birində 15 yaşlı qız dünyasını
dəyişdi.