Bu il, ilk gender şurası, 14 fevralda
keçirildi. Görüşün məqsədi şurada üzvlərin sayının dəyişdirilməsi
və yenisi ilə əvəz olunması idi.
Dəyişikliyin səbəbi isə gender şurasının
katibi İa Esebuanın sözlərinə görə köhnə üzvlərin fəaliyyətsizliyi
olub.
“Reallıq qarşısında qaldıq ki, bu adamlar bizimlə
gündəlik ünsiyyət və görüşləri çatdıra bilmirdilər. Yalnız üzv
olmaq isə heç nə demək deyil. Görüşlərə gəlmə, icmaya çıxma bu çox
pisdir. Mənim fikrimcə həmişə vaxtı olan və onun maraq sahəsinə
daxil olan, çalışmaq istəyi olan adamlar üzv
olmalıdır” - İa Esebua deyir.
Gender şurasının keyfiyyətli çalışması üçün Esebuanın sözlərinə
görə, QHT sektorunun nümayəndələri qoşulmalıdır və onlar öz
təcrübələrini başqaları ilə də bölüşəcəklər.
Gender şurasının fəaliyyəti keçən il başlayıb və şura 14 nəfərdən
ibarətdir. Hələ ki, 2019-cu ildə şuranın fəaliyyətinə neçə nəfərlə
başlayacağı məlum deyil. Şuraya iki yeni üzv, mediya və QHT
nümayəndəsi artıq əlavə olunub. İstəyi olanlar özləri də təşəbbüs
irəli sürə bilərlər.
Bu il şuraya ilk dəfə büdcədən istifadə etmək hüququ verilib.
İctimai həyatın bütün sahələrində ayrı-seçkiliyin yolverilməzliyi,
bərabər hüquqlar sahəsində müvafiq şəraitin yaradılması, imkanlara
dəstək olmaq, ayrı-seçkiliyin aradan qaldırılması – bunlar Marneuli
bələdiyyə məclisində mövcud olan gender şurasının xidmət göstərməli
olduğu əsas mqəsədlərdir.