Yeni əməkdaşa meriyanın fəaliyyətini azərbaycan dilinə tərcümə etmək öhdəliyi qoyulmayıb
Marneuli meriyasında İctimaiyyətlə Əlaqələr Şöbəsinin mütəxəssisi vəzifəsinə Davit Çikadze təyin olunub. Buna qədər o, həmin şöbədə daha aşağı vəzifədə çalışırdı.
Çikadze bu vəzifədə şöbənin keçmiş əməkdaşı Turac İbrahimovanı əvəzləyəcək.
Turac İbrahimova burada işlədiyi müddətdə Marneuli bələdiyyəsinin “Facebook” səhifəsində yerləşdirilmiş məlumatları Azərbaycan dilinə tərcümə edir və həmin məlumatın şərhlər bölməsinə əlavə edirdi. 2 oktyabr tarixindən etibarən isə Marneuli bələdiyyəsinin rəsmi “Facebook” səhifəsində Azərbaycan dilində məlumatlara rast gəlmək mümkün deyil.
Çikadzenin Turac İbrahimovanın gördüyü işləri (məlumatların Azərbaycan dilinə tərcüməsi) görüb-görməyəcəyi ilə bağlı sualımıza cavab olaraq meriyadan bildirdilər ki, tərcümə işləri ümumiyyətlə Turac İbrahimovanın vəzifələrinə daxil deyildi.
İnsan Hüquqlarının Araşdırılması və Monitorinqi Mərkəzinin araşdırmaçısı/hüquqşünası Mariam Qabrielaşvili bizimlə söhbəti zamanı deyir ki, bələdiyyə ərazisində yaşayan əhalinin çoxmillətli olmasından irəli gələrək, məlumatlar onların başa düşdüyü dildə yerləşdirilməlidir.
“Milli Azlıqların Hüquqlarının Qorunması üzrə Çərçivə Konvensiyası Gürcüstan tərəfindən ratifikasiya olunması mühüm faktdır. Etnik azlıqların sıx məskunlaşdıqları bölgələrdə meriya insanlara onların başa düşdüyü dildə məlumat çatdırmalıdır”, – Mariam Qabrielaşvili deyir.
Əgər bələdiyyə məlumatları əlavə dillərdə yayımlaya bilmirsə, konvensiya ilə nəzərdə tutulmuş tövsiyələrin yerinə yetirilməsinə hansı amillərin mane olduğunu əsaslandırmalıdır.
Milli azlıqların dillərində məlumatların nə üçün yayımlanmaması və İctimaiyyətlə Əlaqələr Şöbəsinin mütəxəssisiə konkret olaraq hansı işlər həvalə olunması ilə bağlı sualımıza cavab olaraq isə meriya ənənəsinə sadiq qalaraq rəsmi məktubla müraciət etməmizi tələb etdi ki, məktuba cavab verilməsi üçün isə yenə də 10 gün gözləməli olacağıq.
მსგავსი სიახლეები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
