Marneuli meriyası Ağməmmədli-Ulaşlı-Qasımlı kəndlərini bir-birinə bağlayan yolun bərpası üçün 1 570 457 lari xərcləyəcək
Marneuli
meriyası Ağməmmədli-Ulaşlı-Qasımlı kəndlərini bir-birinə bağlayan
yolun bərpası üçün 1 570 457 lari dəyərində tender elan
edib.
Tenderdə qeyd olunub ki, bərpa olunacaq yola uzun illərdir ki,
çınqıl tökülüb və bərkidilib. Qeyd olunan yolun həmin çınqıl örtüyü
götürüləcək və ümumilikdə 21 670 kv.m. sahəyə asfalt döşənəcək.
Asfalt yolun yalnız hərəkət hissəsinə deyil, eləcə də həyətlərin
girişinə və yol birləşmələrinin başlanğıcına da töküləcək. Tenderə
görə, yolun bərpa olunmuş hərəkət hissəsi 18 685 kv.m., yol
birləşmələrinin başlanğıcı 1 785 kv.m., həyətlərə giriş isə 1 200
kv.m. təşkil edəcək.
Marneuli bələdiyyəsi qeyd olunan tenderi 21 mart tarixində elan
edib. Tenderdə iştirak etmək istəyən şirkətlər 6-11 aprel tarixində
öz təklifləri ilə müraciət edə bilərlər.
Tender şərtlərinə görə, tenderdə qalib gəlmiş şirkət
Ağməmmədli-Ulaşlı-Qasımlı kəndlərini bir-birinə bağlayan yolun
bərpasını müqavilə bağladıqdan 90 gün ərzində tamamlamalıdır.