Bu gün, 23 yanvar tarixində Marneulinin Xuldərə
kəndinin İctimai Mərkəzində polislə münasibətlərlə bağlı məlumat
xarakterli görüş keçirilib.
İnsan Hüquqlarının Tədris və Monitorinq Mərkəzinin hüquqşünasları
görüş iştirakçılarını şəxsin inzibati həbsi, şəxsin narkotik
yoxlanması, sürücünün narkotik testdən keçməsi, polis tərəfindən
şəxsin dindirilməsi və.s kimi məlumatlandırıblar.
"Marneuli" radiosu ilə söhbəti zamanı İnsan Hüquqlarının Tədrisi və
Monitorinq Mərkəzinin (EMC) hüquqşünası Ana Nasrişvili deyib ki,
görüşdə əsasən polis və vətəndaş arasında münasibətlər zamanı ən
çox problemli olan mövzular müzakirə olunub.
“Polis hüququnda müxtəlif sahələrdə müxtəlif məsələlər aktualdır.
Polis tədbirləri çox hallarda vətəndaşlarla münasibətdə istifadə
olunur və bu görüşdə vətəndaşlar üçün aktual olan həmin məsələlərə
diqqət yetirildi”- Ana Nasrişvili.
EMC-nin hüquqşünası qeyd edib ki, əhalinin çox hallarda polislə
münasibət zamanı hansı hüquqlarının olması haqqında məlumatı olmur.
Onun sözlərinə görə, əhalinin məlumatsızlığının əsas səbəbi hüquq
müəssisələrindən irəli gəlir, onlar çox vaxt əhaliyə hüquqları
haqda məlumat verməkdən çəkinirlər.