Ölkədə mövsümi qrip noyabr ayından başlayır və may ayının ilk
yarısına qədər davam edir.
Bu barədə Marneuli Xəstəliklərə Nəzarət və İctimai Səhiyyə
Mərkəzinin rəhbəri Eter Laperadze “Marneuli” radiosu ilə söhbəti
zamanı bildirdi. Onun sözlərinə görə, omikronla mövsümi qripi
fərqləndirmək laboratoriya araşdırması olmadan mümkün deyil.
Laperadze əhalini tövsiyələrə riayət etməyə çağırdı və bildirdi ki,
qrip peyvəndini Marneulinin iki ambulatoriyasında vurdurmaq
mümkündür.
“Mövsümi qripə qarşı peyvənd bu gün də vurdurmaq mümkündür.
Marneulinin iki klinikasında – “Geo Hospitals” Doğum Evi və
“Mediks” klinikasında peyvənd vurdurmaq olar. Ona görə də istəyi
olanlar peyvənd vurdursun. Dörd komponentlidir və insanı qismən
koronavirusdan da qoruyur. Eləcə də əhalini mütləq maska taxmağa və
ictimai yerlərdə olmaqdan çəkinməyə çağırıram”, –
Xəstəliklərə Nəzarət Mərkəzinin rəhbəri bildirdi.
Qrip peyvəndi insanı yalnız qrip virusunun üç aqressiv növündən
qoruyur. Onlar əsasən bronxit, pnevmoniya, otit və s. çevrilir.
Mövsümi qrip peyvəndini 6 yaşdan yuxarı hər kəsin vurdurması
yaxşıdır.