Peşə müəssisələri proqramında təhsil almaq istəyənlər üçün
qeydiyyat 2 may tarixindən başlayacaq.
Marneulidə "Modus" kollecində peşə proqramına qəbul elan olunacaq.
"Modus" kollecinin meneceri Nino Mtvarelidze "Marneuli" radiosu ilə
söhbəti zamanı bildirdi ki, bu gün, 15 aprel tarixində əhalinin
məlumatlandırılması məqsədi ilə kollecdə meriya və Bələdiyyə
Məclisinin nümayəndələri ilə görüş keçirilib.
"Bu gün Marneuli merini, eləcə də Bələdiyyə Məclisinin
sədrini, onların müavinlərini dəvət etdik. Əsas odur ki, bizim
hədəf auditoriya inzibati vahidliklərdə merin nümayəndələridir.
Çünki biz gələcəkdə əhali ilə onların daha çox məlumatlandırılması
üçün görüşməyi planlaşdırırıq. İstəyirik, peşə təhsili dövlət
proqramından daha çox adam yararlansın", – Nino
Mtvarelidze bildirdi.
Tələbələr üçün Modus kollecində təhsil proqramları pulsuzdur. Nino
Mtvarelidzenin sözlərinə görə, hər proqram dövlət tərəfindən
maliyyələşdirilir və buna görə tələbələr pul ödəməli olmurlar.
“Modus” kollecinin 2 may tarixindən 22 avqust tarixinə qədər qəbul
elan etdiyi proqramların siyahısını sizə təqdim edirik:
• Meyvəçilik proqramı
• Tərəvəzçilik
• Uşaq bağçasının müəllimi
• Mühasibat uçotu
• Elektriklik
• İnformasiya texnologiyalarına dəstək
Marneulidəki “Modus” kollecinin menecerinin sözlərinə görə, müəyyən
proqramlarda 15 yer var. Bəzi təhsil proqramlarında isə 30 yer
mövcuddur.
“Peşə təhsili proqramlarına qəbulun ilkin şərtləri, eləcə də müddət
fərqlidir. Bəzi proqrama 9-cu sinif attestatı ilə qəbul olmaq
mümkündür. Məsələn, elektriklik, mühasibat, informasiya
texnologiyalarına dəstək, meyvəçilik proqramları belədir. Mühasibat
uçotu və dayə proqramlarında şəxsin 12-ci sinif attestatının olması
vacibdir. Meyvəçilik proqramını vurğulamaq istəyirəm. Bu unikal
proqramdır. Şagird 9-cu sinifdən çıxıb bizə qəbul ola bilər və üç
il ərzində təhsil alacaq. Proqramı bitirdikdən sonra meyvəçilik
üzrə peşə təhsili diplomu alacaq. Həmin diplom 12-ci sinif
attestatına bərabər olacaq”.
Maraqlanan şəxslər peşə təhsili proqramlarına vet.emis.ge
portalında qeydiyyatdan keçə bilərlər.