“Gürcüstan Strateji Araşdırmalar və İnkişaf Mərkəzi” (CSRDG) “Dünya
üçün çörək” və Avropa İttifaqının dəstəyi ilə gənclərə
dəyişikliklərin təşəbbüskarı olmaq şəraiti yaradır. CSRDG sosial
sahibkarlıq üçün gənc səfirlər proqramına qəbula başlayır.
3 may tarixində, saat 14:00-da Marneuli Mülki Məşğulluq Mərkəzində
məlumat xarakterli görüş keçiriləcək. (Burada qeydiyyatdan keçə
bilərsiniz). “Gürcüstan Strateji Araşdırmalar və İnkişaf
Mərkəzi”-nin Kommunikasiya meneceri Mariam Caparidzenin
bildirdiyinə görə, görüşdə sosial sahibkarlığın əhəmiyyətindən və
gənclərin gələcək fəaliyyəti baxımından sosial sahibkarlığın
perspektivlərindən söhbət açacaqlar. Dəvət olunmuş sosial
sahibkarlar iştirakçılarla təcrübələrini bölüşəcəklər.
“Bizim proqram iki mərhələdən ibarətdir. Bu seçilmiş gənclərin
keçəcəyi yay məktəbidir. Sonra isə layihə üçün müsabiqə elan
olunacaq və onlar layihələrini təqdim edəcəklər. Öz regionlarında
sosial sahibkarlıq barədə məlumatlandırma yollarını necə
gördüklərini təqdim edəcəklər və sonra beşlik seçəcəyik. Onlara
maddi dəstək göstərəcyik və layihələrin həyata keçirilməsinə kömək
edəcəyik. Mən yerli gəncləri çağırıram ki, 3 may tarixində Marneuli
Mülki Məşğulluq Mərkəzində bizə qoşulsunlar, görüşdə iştirak
etsinlər. Bu yalnız proqram barədə məlumatlandırma olmayacaq. Biz
çalışacağıq, sosial sahibkarlığım nə demək olduğu barədə məlumat
çatdıraq. Əgər onların ekoloji və ya ictimai problemləri varsa,
onların həllində iştirak etmək istəyirlərsə, sosial sahibkarlığı
həmin problemlərin həlli yollarından biri kimi görmələrinə dəstək
göstərəcəyik”, - Mariam Caparidze bildirdi.
Sosial Sahibkarlıq üçün gənc səfirlər proqramının məqsədləri:
Gənclərin sosial sahibkarlıqla tanış olması
Gənclərin ətrafda mövcud olan sosial və ekoloji problemlərin
həllində sosial sahibkarlıq barədə məlumatlandırma yolu ilə gənc
liderlərin aşkarlanması, onların öz regionlarında sosial
sahibkarlğı tanıtması məqsədi ilə maddi dəstək göstərməklə
həvəsləndirilməsi (750 EUR).
Qrantların idarə edilməsi, donorlarla əməkdaşlıq və digər parktiki
fəaliyyətlər istiqamətində gənclərin bacarığının inkişaf
etdirilməsi.
Proqramda iştirak etmək üçün xərclər tamamilə Avropa İttifaqı və
“Dünya üçün çörək” dəstəyi ilə maliyyələşdirilib.
Ərizələrin qəbulu 15 may tarixinə qədər mümkündür. Daha ətraflı
məlumat almaq üçün linkə daxil olun.