Artıq bir aydır ki, Marneulinin Kürtlər və Aşağı Qullar kəndini
birləşdirən piyada körpüsü sıradan çıxıb. 4 aprel tarixində güclü
sel nəticəsində Xram çayı körpünün bir hissəsini aparıb.
Həmin körpü vasitəsi ilə Kürtlər və Aşağı Qullar əhalisi bir-biri
ilə tez əlaqə saxlaya bilirdi. Çünki kəndlər çayın sahilində
yerləşir. Bir aydır ki, iki kəndin əhalisi bir-biri ilə dolayı
yolla əlaqə saxlayır. Dolayı yolun biri Şulaveri kəndindən, digəri
isə Böyük Muğanlıdan keçir.
Kürtlərdən Aşağı Qullara Şulaveridən keçməklə getmək üçün maşınla
30 dəqiqə, Böyük Muğanlıdan isə 24 dəqiqə vaxt lazımdır. Qeyd edək
ki, sıradan çıxmış piyada körpüsündən Kürtlər, Aşağı Qullar, Yuxarı
Qullar, Qırıxlı və onların ətrafında yerləşən kəndlərin əhalisi də
istifadə edirdi.
Bu gün, 3 may tarixində Marneuli meriyasından “Marneuli” radiosuna
bildirdilər ki, bir halda, körpü təbii fəlakət nəticəsində sıradan
çıxıb, onun təmir xərcləri büdcədə nəzərə alına bilməz. İndiki
mərhələdə meriyada məsələ araşdırılır. Meriyanın İctimaiyyətlə
Əlaqələr Şöbəsindən bildirirlər ki, araşdırmadan sonra, ehtiyacdan
və meriyanın maliyyəsindən irəli gələrək müvafiq qərar qəbul
olunacaq.