Marneuli bələdiyyəsinin Böyük Muğanlı , Beytarabçı və Xancığazlı
kəndində daxili yollara asfalt qatının çəkilməsi planlaşdırılır.
Yerli özünüidarə işlərin həyata keçirilməsi üçün iki tender elan
edib. Meriya Xancığazlı və Beytarabçıda yolun çəkilməsi üçün 1 182
621 lari xərcləməyi planlaşdırır. Böyük Muğanlıda isə tenderlə 440
055 lari nəzərdə tutulub.
Layihə çərçivəsində trasın bərpası və bərkidilməsi, çınqıl-qumlu
qarışıqla üst qatın düzəldilməsi, mövcud dəmir boruların sökülməsi
və çıxarılması, qayalı torpağın ekskavatorun bazasına quraşdırılmış
qırıcı çəkiclərlə dağıdılması, dağıdılmış torpağın daşınması və s.
planlaşdırılır.
Hər iki tenderdə iştirak etmək istəyən şirkətlər 24-29 iyun
dövründə təkliflərini göndərə bilərlər.
Qalib şirkət müqavilə bağladıqdan sonra Beytarabçı və Xancığazlı
kəndləri ilə bağlı 90 gün, Böyük Muğanlı kəndi ilə bağlı isə 60 gün
ərzində işləri təhvil verməlidir.