Fevralın 6-da Rövşən və Etibar İsgəndərovların məhkəmə iclası keçirilib. Orada ittiham tərəfinin 3 şahidi dindirilib. Etibar və Rövşən İsgəndərov seçki saxtakarlığında ittiham olunurlar. Oktyabrın 26-da 69 saylı Marneuli seçki məntəqəsində Rövşən və Etibar İsgəndərovların seçki qutusuna bülleten atdığını əks etdirən video yayılıb.

Məhkəmədə 69 saylı seçki məntəqəsinin komissiya üzvləri dindirilib. Daşınan seçki qutusunu aparan Lalə Cəlilova və Yaqub Layışov, seçicilərin axınını tənzimləyən Nizam Əzizbəyov.

İş üzrə hər üç şahid seçki qutusunun doldurulmasının şəxsən şahidi olmadıqlarını və bunu yalnız videodan gördüklərini bildiriblər.

Daşınan seçki qutusuna baxış keçirən komissiya üzvləri həmin vaxt məntəqədən kənarda olduqlarını, axın nəzarətçisi isə insident zamanı arxasını seçki məntəqəsinə çevirdiyini, heç nə görmədiyini deyir.

Rövşən İsgəndərovun vəkili hər üç şahiddən Rövşən İsgəndərovun seçki qutusuna qoyduğu zərflərdə həqiqətən də seçki bülletenlərinin olduğuna əmin olub-olmadığını soruşub.

Lalə Cəlilova “Bilmirəm, bəlkə olub, bəlkə də yox” deyib.
“Zərf var idi, amma içində nə olduğunu bilmirəm”, - deyə Yaqub Layışov bildirib.

Dindirmə zamanı şahidlər Marneuli Bələdiyyə Məclisinin sədr müavini olmuş Rövşən İsgəndərovun həbs olunana qədər harada işlədiyini də bilmirdilər.

“Bizim deputatdır, çox yaxşı insandır. Necə və nə üzərində işlədiyini bilmirəm. Mən bilirəm ki, o, bizim deputatdır”, - Lalə Cəlilova deyib.
“Gürcüstanda deputatdır, rayonda işləyir. Təkcə bunu bilirəm”, - Nizam Əzizbəyov deyib.

Daşınan seçki qutularının təftiş komissiyasının üzvü Lalə Cəlilova nə deyir?

“Mən də komissiyanın üzvü idim, amma qutunu Yaqub Layışovla aparmışam. Biz xəstələrə imza atmaq üçün xəstəxanaya gedəndə saat doqquzun yarısı idi. Vaxt dəqiq yadımda deyil, saat birin yarısı idi, yoxsa birdən əvvəl, qayıtdıq. Maşından qayıdanda gördük ki, məntəqəmizin qarşısında xeyli adam var, amma nə baş verdiyini başa düşmədik, mən maşından düşən kimi qəfildən jurnalistlər mənə hücum etdilər. Bu mövzu haqqında nə deyərdiniz, dörd-beş jurnalist soruşdu? Mən də əsəbiləşib dedim ki, heç nə görməmişəm, nə olduğunu siz deməlisiniz, mən yeni gəlmişəm, oradan qayıtmışam, hirslənib evə getmişəm”.

Prokuror seçki məntəqəsindəki xaosun nədən yarandığını və niyə bu qədər insanın toplaşdığını soruşduqda Cəlilova cavab verib ki, xaos bülletenlərin atılması nəticəsində yaranıb.

“Evə gedəndən sonra müəllimlər mənə zəng edib soruşdular ki, Lalə xanım, nə baş verir? Eşitmişik ki, sizin məntəqədə belə şeylər olur. Nə baş verib? Onlar Facebook-da şəkilləri görüb nə baş verdiyi ilə maraqlanıblar. Mən də hələ görməmişdim, evə təzə girmişdim, hirsləndim, sonra dedilər ki, nə baş verir. Rövşəni gördüm və nə bilim, onun əslində belə edəcəyini düşünməmişdim, bəlkə kimsə onu incidib, bilmirəm və görməmişəm”.

Lalə Cəlilova xatırlayır ki, mobil qutunu məntəqədən çıxararkən, saat 9:30 radələrində məntəqənin qarşısında Rövşən İsgəndərovu görüb - “Hamını salamladı, salam verdi, hərləndi və getdi”.

Rövşən İsgəndərovun vəkilinin suallarını cavablandıran Cəlilova Rövşən İsgəndərovun seçki qutusuna bülletenləri atmasını əks etdirən videodan danışıb. O deyib ki, videoda Rövşənin qutuya bülleten atması görünür, amma o, Rövşənin bunu qəsdən etdiyini düşünmür.

“Gördüm ki, Rövşən onu hirslə atdı, belə də gördüm. Düşündüm kimsə ona nəsə deyib, məncə Rövşən bunu etməzdi”.

Daşınan seçki qutularının təftiş komissiyasının üzvü Yaqub Layışov nə deyir?

“Qayıdanda gördük ki, çox adam var. Səbəbini anlaya bilmədik. Sonra nə baş verdiyini, saxta bülletenlərin atıldığını telefonla eşitdik. Videoda Rövşən İsgəndərov olub, digərinin kim olduğunu bilmirəm. Videoda gördüm ki, əlində bülletenlər var.
Prokuror - Onda bu bülletenləri hara aparmısınız?
Yaqub - Bilmirəm, ancaq fotoda görmüşəm.
Prokuror - Başqa hansı məlumatınız var?
Yaqub - heç nə.

Məhkəmə iclasında üçüncü şahid Nizam Əzizbəyov olub.

Nizami “Güclü Gürcüstan” partiyasından Seçki Komissiyasına üzv olub, seçki günü axın tənzimləyicisi idi.

“Mən seçki məntəqəsində idim. Səhər yeddidən birə qədər. Mən “Güclü Gürcüstan” partiyasının nümayəndəsi idim. Qapının ağzında dayanıb içəri girən insanların dırnaqlarını və şəxsiyyət vəsiqələrini yoxlayırdım. Orada seçiciləri qarşılayırdım, müşahidə edirdim. Beş nəfər qeydiyyatçı olduğu üçün beş nəfəri içəri buraxırdım. Beş nəfər səs verib bülleteni atdıqdan sonra, mən onları çıxarıb qalan beş nəfəri içəri buraxırdım.
Prokuror - Niyə yalnız saat 1-ə qədər məntəqədə olmusan?
Nizami - Ona görə ki, saat 12:00-da, ya da birin yarısında belə bir hadisə baş verdi və komissiya üzvləri seçki məntəqəsinin bağlanması barədə qərar qəbul etdilər.
Prokuror - Deyirsən belə bir şey olub, nə olub?
Nizami - Mən bunu ancaq videoda görmüşəm. Mən əslində görməmişəm. Arxamı o tərəfə çevirmişdim və videoda gördüm.Videoda Rövşən əlində bülleten tuturdu. Mən şəxsən görməmişəm, desəm görmüşəm, yox. Eşitdim ki, bu bülletenləri kimdənsə alıb və Rövşən atıb. Belə eşitdim, amma videoda başqa cür çəkilib”.

Üçüncü şahidin dindirilməsindən sonra iş üzrə hakim Vladimir Tsitlauri məhkəmə iclasını qapalı elan edib. Rövşən və Etibar İsgəndərovun növbəti məhkəmə iclası fevralın 20-si saat 13:30-a təyin edilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---