Paytaxt və regionlarda yararsız maşınların dirəklərə bərkidilməsi sosial kampaniyasını DİN həyata keçirib
Paytaxt və
regionlarda yararsız maşınların dirəklərə bərkidilməsi sosial
kampaniyasını DİN həyata keçirib.
Daxili İşlər Naziri Qiorqi Qaxaria
kampaniyanın təqdimatı zamanı bildirib ki, onların məqsədi yol
təhlükəsizliyi baxımından olan problemlərin real olaraq
dəyərləndirilməsi üçün cəmiyyət üzvlərini rahatlıq zonasından
çıxarmaqdır.
“Biz tam məsuliyyətlə bildiririk ki, bizim “Daha çox
həyat üçün” adlandırdığımız kampaniyanın əsas məqsədi cəmiyyətin
hər bir üzvünü komfort zonasından çıxarmaqdır. Əlbəttə biz bunu
müəyyən qədər bacardıq. Bütün tənqid edənlərə, eləcə də bizim
əməkdaşlara, dostlara və çox adamlara təşəkkür etmək istəyirəm.
Onlar həqiqətən də bizi tənqid edirdilər, ancaq bizim seçimimiz
asan olmayıb. Həmişə düşünürdük və bu gün də düşünürük ki, obyektiv
reallığı nəzərə almasaq, bu problemi həll etməklə bağlı şansımız
olmayacaq” – Qiorgi Qaxariya bildirib.
“Daha çox həyat üçün” kampaniyası bir neçə gün əvvəl başlayıb və
kampaniya çərçivəsində Tbilisi və regionlarda yararsız avtomobillər
müvəqqəti olaraq polad dirəklər üzərinə yerləşdirilib, lövhələr
yaradılıb və müvafiq video-çarxlar hazırlanıb.