Մառնեուլիի «Եվրոպական Վրաստան» կուսակցական ցուցակի թիվ 35 -ը դիմել է

Մառնեուլի շրջանային ընտրական հանձնաժողովին `կուսակցության ցուցակից նրան հանելու խնդրանքով: «Ռադիո Մառնեուլի»-ի հետ զրույցում «Եվրոպական Վրաստանի» նախկին անդամ Էլդանիզ Կեչալովն ասել է, որ կուսակցությունից դուրս գալու որոշումն ինքն է կայացրել:
«Ես հինգ տարի է աշխատում եմ այս կուսակցության հետ, բայց հիմա չեմ ուզում աշխատել: Ես ընտրություններին մասնակցում եմ 2017 թվականից: Ոչ ոք ոչինչ չի ասել, դա իմ անձնական որոշումն է», - ասել է Էլդանիզ Կեչալովը։
Կեչալովը չի մանրամասնել, թե ինչու է որոշել լքել կուսակցությունը, սակայն ասել է, որ չի պատրաստվում տեղափոխվել այլ կուսակցություն:
Մառնեուլիի քաղաքապետի թեկնածու Ահմեդ Իմամկուլիեւը «Եվրոպական Վրաստան» կուսակցական ցուցակից իր թեկնածության հեռացումը կապում է Պետական անվտանգության ծառայության աշխատանքի հետ: Իմամկուլիեւի խոսքով ՝ «ՊԱԾ» - ը փորձել է ազդել կուսակցության բոլոր անդամների վրա:
«Նրանք բոլորի մոտ գնացել են: Էլդանիզը մի անգամ ինձ հաստատեց, որ ինչ -որ մարդիկ եկել են իր մոտ, բայց կոնկրետ չի հաստատել, թե ովքեր են այդ անձինք, դա նախքան ցուցակը հրապարակելն էր: Եվ հիմա այս ամենն ապացուցում է, որ ամեն ինչ ՊԱԾ – ի գործն է։ », - ասել է Ահմեդ Իմամկուլիևը

Իմամկուլիեւի խոսքով ՝ հնարավոր է, որ կուսակցության այլ անդամներ լքեն կուսակցությունը, քանի որ Պետական անվտանգության ծառայությունը նախընտրական շրջանում ակտիվորեն փորձում է կանգնեցնել քաղաքականապես ակտիվ մարդկանց:
Նշենք, որ Վրաստանում տեղական ինքնակառավարման մարմինների ընտրությունները կանցկացվեն հոկտեմբերի 2-ին:

«Ռադիո Մառնեուլի»
Թարգմ․ ՝ Մարգարիտա Միսկարյան
17.09.2021