Մառնեուլիի «Ամերիկյան անկյունը» նոր նախագիծ է սկսում։
Անվճար երկամսյա դասընթացին կարող են մասնակցել քիմիայի,
կենսաբանության և կենսաքիմիայով հետաքրքրված 14-18 տարեկանները։
Ինչպես Ռադիո «Մառնեուլիի» հետ զրույցում ասաց ամերիկյան անկյան
համակարգող Մելե Գուլիևան, դասընթացի ընթացքում աշակերտները
կկարողանան սեփական ձեռքերով ռեակցիաներ վարել, աշխատել ցանցում,
լուծել խնդիրներ և սովորել բարձր մակարդակի քիմիա-կենսաքիմիա։
«Մառնեուլիի ամերիկյան անկյունը, ի թիվս այլ ուղղությունների,
նախագծեր է իրականացրել նաեւ սոցիալական ուղղությամբ։ Կարծում ենք, որ
այս ուղղությամբ նախագծերի իրականացումը շատ կարևոր է, քանի որ մենք
թույլ ենք տալիս մեր երիտասարդներին ներգրավվել գործընթացում և ոչ
ֆորմալ կրթության միջոցով ստանալ ավելի խորը և հետաքրքիր
տեղեկատվություն այս առումով։ Այս նախագծի շրջանակներում
երիտասարդները հնարավորություն կունենան ինքնուրույն թեստեր անցկացնել
և գտնել իրենց հետաքրքրող հարցերի պատասխանները։ Երիտասարդներին
խորհուրդ ենք տալիս բաց չթողնել այս հնարավորությունը»
STEM դասընթացին ընդունելությունը հնարավոր է գրանցման հատուկ
ձևով։
Գրանցվեք
նշված հղումով
Մեծ թվով դիմումներ ստանալու դեպքում գրանցման ձևը վաղաժամկետ
կփակվի։
"Ռադիո Մառնեուլի"
Թարգմ․ ՝ Մարգարիտա Միսկարյան