Արդեն 14 օր է, ինչ Մտկվարիում փնտրում են 21-ամյա աղջկա։ 21-ամյա Այթաջ Մամեդովան անհետացել է ապրիլի 1-ին Մտկվարի գետում՝ «Խաղաղության կամրջի» մոտ։ Այթաջի ընտանիքը պնդում է, որ պետությունը ոչինչ չի անում աղջկան գտնելու համար, ինչի պատճառով էլ իրենք են սկսել որոնումները։

Այթաջի հորեղբայրը, հորեղբոր որդին և նրա երկու հարևանները շարժվում են Մտկվարի գետի ափով՝ 3 և 5 լիտրանոց պլաստիկ շշերից պատրաստված ինքնաշեն «լողակներով»  պարանով  կապած և փորձում գտնել Այթաջին։

«Մենք 4 հոգի ենք, ես, իմ զարմիկը, հարևանները: Մենք փնտրում ենք Թբիլիսիից մինչև Կարմիր կամուրջ: Երդվում եմ Աստծուն, այստեղ ոչ մի նավ չի երևացել: Այս շշերն իմ նավն են: Մենք լուրջ խնդիր ունենք: Մեր ուժերով և միջոցներով 4 հոգի աշխատում են հետաքննության վրա: Մեկ շաբաթ է, ինչ ջրի մեջ ոչ մի նավ չեմ տեսել։ Ես ոչինչ չեմ տեսնում։ «Ոչ մի աջակցություն չկա»,- մեզ հետ զրույցում ասաց Այտաջիի հորեղբայրը՝ Ռասուլ Օմարովը։

Անհայտ կորած Այթաջ Մամեդովայի հորեղբայրն ասում է, որ 21-ամյա աղջիկն անհետացել է ապրիլի 1-ին, ժամը 12-ի սահմաններում։ Այթաջին գնացել էր ընկերոջ ծննդյան տարեդարձը նշելու, իսկ խնջույքից դուրս գալուց հետո անհետացել է Թբիլիսիի «Խաղաղության կամուրջին» հարակից տարածքից։ Ռասուլ Օմարովի խոսքով՝ ոստիկաններն իրենց ասել են, որ տեսանյութում երեւում է, թե ինչպես է աղջիկն ընկնում Մտկվարի գետը, սակայն ընտանիքի անդամներին տեսանյութը ցույց չեն տվել։

«Ոստիկանները մեզ չեն ցուցադրել  տեսանյութը, բայց ասում են, որ աղջիկն ընկել է ջուրը: Նա ինքն է նետվել ջուրը: Նա այնտեղ է թողել կոշիկները, պայուսակը և հեռախոսը: Հավանաբար նա որոշել է դա անել, երբ վերադարձել է  ծննդյան խնջույքից: Մենք չգիտենք, թե ինչ է եղել այնտեղ, վիրավորվել է, թե ոչ, պարզապես հետաքննություն չկա: Մտկվարիի  ափին բացի նրա իրերից ոչինչ չկա, ոստիկանությունը մեզ ոչ մի տեսանյութ չի ցուցադրել։ - ասում է Ռասուլ Օմարովը

Ռասուլիի խոսքով՝ հետաքննությունը վարում է Օրթաչալայի ոստիկանական բաժանմունքը։ Նա ասում է, որ պետությունը պատշաճ ջանքերով չի իրականացնում Այթաջիի որոնումները։

«Շատ տարածքներ փակ են, մեզ թույլտվություն չեն տալիս: Ո՛չ ոստիկանությունը, ո՛չ պետությունը  չեն մտնում  այս տարածքներ, մեզ էլ թույլտվություն չեն տալիս: Ես ուղղակի շշերով փնտրում եմ գետի ափին, կղզիներում: Բայց եթե մեկը ձուկ է բռնում, անմիջապես գալիս են բնապահպանական 10 նավակներ: Մենք դրա համար միջոցներ չունենք, դա շատ դժվար է, մենք պարզապես օգնություն ենք ուզում: - ասում է Ռասուլ Օմարովը

ՆԳՆ ԱԻ կառավարման ծառայությունից «Ռադիո «Մառնեուլի»-ին հայտնել են, որ Մտկվարի գետի վրա ամենօրյա մշտադիտարկում է իրականացվում, որոնողական աշխատանքներին ներգրավված են ջրային մեքենաներն ու ջրասուզակները, գետի հունը ստուգվում է։
ՆԳՆ-ից «Ռադիո «Մառնեուլի»-ին հայտնել են, որ դեպքը հետաքննվում է Քրեական օրենսգրքի 115-րդ հոդվածով, որը վերաբերում է ինքնասպանության կամ ինքնասպանության փորձի դրդմանը։

Ռադիո «Մառնեուլի»

Թարգմ․  ՝  Մարգարիտա Միսկարյան