Մառնեուլի քաղաքի կենտրոնական զբոսայգում՝  «Էլ  ավելի կմեծացնենք» հուշարձանի մոտ գտնվող միակ հասարակական պետքարանը կվաճառվի և կդառնա վճարովի։ Հատկանշական է, որ սա Մառնեուլիում միակ հասարակական պետքարանն է, որի շինարարությունն ավարտվել է տեղական ինքնակառավարման մարմինների կողմից 2020 թվականին։

Մառնեուլիի մունիցիպալիտետի  քաղաքապետարանը Մառնեուլիի սակրեբուլոյի հավանությամբ  կօտարի 50 քմ մակերեսով շենք, հասարակական պետքարան։ Այսօր՝ ապրիլի 16-ին, քաղաքային խորհրդի նիստում պատգամավորներին դիմեց Մառնեուլիի քաղաքապետարանի գույքի կառավարման և նյութատեխնիկական աջակցության ծառայության պետ Ագիլ Ամիրջանովը։

«Էլ  ավելի կմեծացնեն» զբոսայգում  կա 50 քմ հասարակական պետքարան, որը գտնվում է անսարք վիճակում, այս հարցի շուրջ մեզ հետ կապվել է քաղաքացի Այշան Իմանովան։ Նա  պահանջում է տարածքը փոխանցել ուղղակի տնօրինման, վարձակալության միջոցով և հետագայում վճարովի վերանորոգել, բարելավել և ծառայություններ մատուցել քաղաքացիներին։ «Մենք մտադիր ենք այն 5 տարի ժամկետով վարձակալությամբ տալ վերը նշված քաղաքացուն՝ այն պայմանով, որ քաղաքապետարանի կողմից հրապարակում կազմակերպվող միջոցառումների ժամանակ դրա շահագործումն անվճար կլինի քաղաքացիների համար»,- ասաց Ագիլ Ամիրջանովը։

Մառնեուլիի քաղաքապետարանի գույքի կառավարման և նյութատեխնիկական աջակցության ծառայության ղեկավարի խոսքով, քաղաքապետարանի հաշվեկշռում գտնվող պետքարանը  վարձակալության է տրվելու 5 տարի ժամկետով, իսկ մեկ տարվա վարձակալության արժեքը կկազմի 1200 լարի։

Մառնեուլիի քաղաքապետարանի տեղական իշխանությունները քաղաքի կենտրոնական զբոսայգում պետքարանիի  կառուցումը սկսել են 2018 թվականին՝ այգու վերականգնման ժամանակ։ Վերականգնման ծրագիրը, որն ավարտվել է 2020 թվականին, իրականացվել է «Ինտերտեխնոլոգիա» ՍՊԸ-ի կողմից երկու փուլով 1,092,328 լարիով։



"Ռադիո Մառնեուլի"
Թարգմ․ ՝ Մարգարիտա Միսկարյան