Մառնեուլիի մունիցիպալիտետի Սայմերլո գյուղում նոր ջրային ցանցի փորձարկման ժամանակ թերություններ են հայտնաբերվել։

Ճանապարհի նոր երեսպատման որոշ հատվածներից ջրի արտահոսք է տեղի ունեցել։  Գյուղը պետք է անցներ 24-ժամյա ջրամատակարարման, սակայն բնակչությանը ջուր է մատակարարվում ուշացումներով։ Կան օրեր, երբ խմելու ջուրը մի քանի ժամով անջատվում է կամ գալիս է ցածր ճնշմամբ։

Ինչպես «Ռադիո Մարնեուլիին» հայտնել է Վրաստանի միացյալ ջրամատակարարման Քվեմո Քարթլիի տարածաշրջանային մասնաճյուղի ղեկավար Կախաբեր Չոգոլաձեն, այս փուլում Սայիմերլո գյուղում թերությունները վերացվում են։ Առանձին վայրերում նոր ասֆալտապատման և ջրատար խողովակների վերանորոգման կարիք կա։ Ընկերությունից ասում են, որ որտեղ ասֆալտ պետք է փռվի, կապալառու ընկերությունը նույնպես պարտավորվում է այն իրականացնել։

«Սայմերլոի ջրային  ցանցը տեղադրել է առաջին ընկերությունը՝ «Ակելիկ»-ն, իսկ փորձարկումն իրականացրել է երկրորդ ընկերությունը, և ջրամատակարարման գործընթացում հայտնաբերվել են թերություններ: Սաիմերլոյում ասֆալտ է փռվել, և նոր ցանցում ասֆալտի տակից ջուր է արտահոսում։ Խնդիրը կարող է առաջանալ ճնշումների ավելացումով։ Այս փուլում վերացվում է ասֆալտի ծածկույթը, զրոյից ասֆալտի ծածկույթ կփռվի։  Սայմերլոյում մենք պետք է ջուրը կտրենք որոշ փոքր հատվածների համար, մինչ ասֆալտի ծածկը հանվի, մինչդեռ շինարարական ընկերությունն ինքը ժամանակ է պահանջում, և ես գիտեմ, որ դա նաև դժգոհություն է առաջացնում բնակչության շրջանում, բայց դրանք մեր ընկերությունից անկախ պատճառներ են: »,- ասել է Կախաբեր Չոգոլաձեն։

Կախաբեր Չոգոլաձեն ենթադրում է, որ Սայմերլո գյուղի 24-ժամյա ջրամատակարարման գործընթացում հայտնաբերված թերությունները, հավանաբար, 1 ամսվա ընթացքում կշտկվեն։

Մառնեուլիում և նրա գյուղերում ջրամատակարարման և ջրահեռացման ծրագիրը սկսվել է 2019 թվականին, ծրագրի շրջանակներում փորվել են ճանապարհներ, արժեզրկվել են ենթակառուցվածքները, վնասվել են հասարակական տրանսպորտը և մասնավոր մեքենաները։ Ի սկզբանե «Ակելիք Գրուպ» ընկերությունը նախագիծը պետք է ավարտեր մինչև 2021 թվականի մարտը, սակայն չկարողացավ կատարել իր պարտավորությունները, ինչի պատճառով 55.940.022 դոլար արժողությամբ նախագիծը կասեցվեց։

Ջրամատակարար ընկերությունը նոր պայմանագիր է կնքել թուրքական եւ չինական ընկերությունների հետ։ Աշխատանքներն իրականացնում են «China Geo - Engineering Corporation» (CGC) եւ «POLAT Yol Yapi Sanayi ve Ticaret Anonim Sirkei» ընկերությունները։

Ծրագիրն իրականացվում է Ասիական զարգացման բանկի կողմից: Աջակցությամբ կծախսվի ավելի քան 135 մլն լարի։ Դրա շրջանակներում կառուցվում են նոր ջրամատակարարման ցանց, պոմպակայան, ջրամբարներ, կոյուղու նոր ցանց և ժամանակակից չափանիշներին համապատասխան մաքրման կայան։

Ծրագրի ավարտից հետո Մառնեուլիի բնակչությանը պետք է ապահովվի շուրջօրյա ջրամատակարարմամբ և կոյուղու նոր ենթակառուցվածքով։

Վերջնաժամկետ այս փուլում համարվում է հունիս ամիսը։

"Ռադիո  Մառնեուլի"
Թարգմ․  ՝  Մարգարիտա  Միսկարյան