Իլիայի պետական ​​համալսարանի քաղաքացիական կրթության ուսուցիչների թիմը, որը կոչվում է «Ժողովրդավարության միջնորդներ»,

սկսում է նոր նախագիծ՝ «Գործողություն հանուն ժողովրդավարության», որն իրականացվում է PILLAR – Մասնակցություն և տեղեկատվական գրագիտություն առաջնորդության, իրազեկման և ճկունության ծրագրի շրջանակներում և ԱՄՆ PILLAR թիմի աջակցությամբ:

Ծրագիրը նպատակ ունի հզորացնել երիտասարդներին և խթանել նրանց ակտիվ ներգրավվածությունը քաղաքապետարանի կյանքում:

Այս նպատակին հասնելու համար Մառնեուլիում երիտասարդների համար կանցկացվեն դասընթացներ՝ նվիրված մարդու իրավունքների, շահերի պաշտպանության և նախագծերի գրմանը: Թրեյնինգին կարող են  մասնակցել 15-17 տարեկանները։ Թրեյնինգը  կանցկացվի Մառնեուլիի ամերիկյան անկյունում ապրիլի 27-ին ժամը 12:00-ին։

Մասնակիցները ավելի լավ կհասկանան քաղաքացիական ներգրավվածության հնարավորությունները և կզարգացնեն հմտություններ՝ իրենց տրամադրության տակ գտնվող ռեսուրսներն արդյունավետ օգտագործելու համայնքի և երիտասարդության զարգացման համար:

Ծրագրի շրջանակներում երիտասարդները հնարավորություն կունենան ինքնուրույն մշակել տեղեկատվական գրքույկներ և դրանք բաժանել տեղի բնակչությանը, ինչը կնպաստի իրազեկվածության բարձրացմանը և համայնքի ակտիվացմանը։

"Ռադիո Մառնեուլի"
Թարգմ․՝  Մարգարիտա  Միսկարյան