Թամարիս գյուղ տանող ճանապարհի ասֆալտապատման համար Մառնեուլիի քաղաքապետարանի կողմից հայտարարված մրցույթին մասնակցած միակ ընկերությունը «Քցիա» ՍՊԸ-ն էր։ «Քցիա» ՍՊԸ-ի բաժնետոմսերի 50%-ի սեփականատերն է Մառնեուլիի փոխքաղաքապետ Թեմուր Շուբիթիձեի հայրը՝ Պաատա Շուբիթիձեն։

Մառնեուլիի քաղաքապետարանը մարտի 28-ին հայտարարել է 5 640 394 լարիի մրցույթ, որին մասնակցել է միայն «Քցիա» ՍՊԸ-ն, որը քաղաքապետարանին առաջարկել է աշխատանքները կատարել 4 512 316 լարիով։ Ապրիլի 23-ին տեղի է ունեցել նաև մրցութային հանձնաժողովի նիստ, որի ժամանակ «Քցիա» ՍՊԸ-ի փաստաթղթերում որոշակի թերություններ են հայտնաբերվել։

«Նախահաշվի վերջնական ընդհանուր արժեքը կազմում է 4 701 527.27 լարի, որը չի համապատասխանում հայտատուի կողմից միասնական էլեկտրոնային համակարգում գրանցված վերջնական գնին (4 512 316 լարի)»,- նշված է մրցութային հանձնաժողովի նիստի արձանագրության մեջ։

«Քցիա» ՍՊԸ-ին տրվել է 3-օրյա ժամկետ՝ թերությունները շտկելու համար։

Հարկ է նշել, որ «Քցիա» ՍՊԸ-ն արդեն շահել է քաղաքապետարանի հայտարարած 4 մլն 400 հազար լարիի մրցույթը, ըստ որի Ծերեթելի գյուղում ճանապարհներ են ասֆալտապատվելու։

Պաատա Շուբիթիձեի «Քցիա» ընկերությունը 2011 թվականից շահում է Մառնեուլիի քաղաքապետարանի մրցույթները: Առաջին մրցույթը, որին նա մասնակցել է, սկսվել է 2011 թվականի ապրիլի 13-ին: Վլադիմիր Տկղեշելաշվիլին է պատկանում  «Քցիա» ՍՊԸ-ի բաժնետոմսերի մյուս  50%-ը : Նրա բաժնետոմսերի կառավարիչը Քեթեւան Տկղեշելաշվիլին է։ Ընկերությունը գրանցված է Մառնեուլիի քաղաքապետարանի Արափլո գյուղում։

«Քցիա» ՍՊԸ-ն այս փուլում ունի երկու տնօրեն՝ Քեթևան Տկղեշելաշվիլին և Թեյմուրազ Գոգրիչիանին։

Ծերեթելի գյուղի ներքին ճանապարհների շինարարության մրցույթում հրապարակված փաստաթղթերի համաձայն՝ «Կցիա» ՍՊԸ-ն պայմանագիր է կնքել նույն ընկերության 50 տոկոս բաժնեմասի սեփականատեր Պաատա Շուբիթիձեի հետ։ Պայմանագրի համաձայն՝ Պաատա Շուբիթիձեն կատարում է ընկերության գլխավոր ինժեների պարտականությունները եւ նրա ամսական աշխատավարձը կազմում է 15000 լարի։

Հատկանշական է, որ 2023 թվականի մայիսի 8-ին «Ռադիո Մարնեուլին» հրապարակել է «Մառնեուլի փոխքաղաքապետի հոր ընկերությունը վերջին 17 ամսում քաղաքապետարանից ստացել է 15 միլիոն 985 հազար 260 լարի մրցույթ» վերնագրով հոդվածը։ Հոդվածում քննարկվում էին «Քցիա» ՍՊԸ-ի շահած մրցույթները 2022 թվականից, երբ Թեմուր Շուբիթիձեն դարձավ Մառնեուլիի փոխքաղաքապետը, մինչև 2023 թվականի մայիսը: 2023 թվականի մայիսի 24-ին քաղաքային խորհրդի նիստում Մառնեուլիի քաղաքային խորհրդի նախագահ Ամիրան Գիորգաձեն արձագանքեց հոդվածին և ասաց, որ  եթե իրենից կախված լիներ, եթե  օրենքը թույլ տար  բոլոր նախագծերը կվստահերին "Քցիա" ՍՊԸ-ին։ Գիորգաձեն նշել է նաև, որ «Կցիա» ՍՊԸ-ն լավագույնս կատարում է ճանապարհաշինական աշխատանքները Մառնեուլիում, իսկ ընկերությունում աշխատում են տեղացիներ, ունի իր սեփական գործարանը, քարհանքը և առանց խնդիրների կատարում է իր պարտականությունները։

"Ռադիո Մառնեուլի"
Թարգմ․  ՝  Մարգարիտա  Միսկարյան