"Gürcü Arzusu" Şarl Mişelin razılaşmasını ləğv edib

"Gürcü Arzusu" Avropa Şurasının prezidenti Şarl Mişelin vasitəçiliyi ilə imzalanan müqavilədən geri çəkilir.



Partiya sədri İrakli Kobaxidzenin "Gürcü Arzusu" ofisində keçirdiyi xüsusi brifinqdə verdiyi məlumata görə, müqavilə bu gün ləğv edilib.

"Bu gün, sənədin öz missiyasını yerinə yetirdiyi və özünü ləğv etdiyi aydın görünür. Müxalifətçi deputatların yarısından çoxunun hələ müqaviləni imzalamamasına baxmayaraq, beynəlxalq tərəfdaşlarımızın radikal müxalifəti sənədi imzalamağa və icrasında iştirak etməyə çağırmağı lazım hesab etmədiklərini görürük. Özünüidarə seçkilərinin ana müxalifət partiyası tərəfindən imzalanmamış bir siyasi razılaşma fonunda keçirilməsi ölkənin maraqlarına zərərlidir. Bu vəziyyətdə razılaşmanın "Gürcü Arzusu" tərəfindən ləğvi alternativ bir addım kimi görünür. 19 Aprel müqaviləsinin ləğv edilməsi fonunda, təbii ki, icrasına hələ başlamamış və ya tamamlanmamış müqavilələrin həmin bəndlərinin taleyi ilə bağlı sual yaranır. Sənədin imzalanmasından əvvəl seçki və məhkəmə orqanları ilə bağlı dəyişikliklərin heç bir siyasi razılaşma olmadan həyata keçiriləcəyini bildirmişdik. Nəticədə bu proses davam edəcək. Məhkəmə islahatı gələn ilin yayına qədər tamamlanacaq və konstitusiya dəyişiklikləri hərtərəfli nəzərdən keçirilərək qəbul ediləcək. Əfv qanunu payızda yekunlaşacaq. Məsuliyyət müxalifət partiyalarına konstruktiv əməkdaşlığın hazır olduğunu sübut edəcək sağlam siyasi məsləhətləşmələr əsasında paylanacaq", - deyə İrakli Kobaxidze bildirib.

“Növbədənkənar parlament seçkiləri məsələsinə gəldikdə, ilk növbədə qeyd etmək istərdik ki, koalisiya hökumətinin sağlam bir ənənəsini yaratmaq və dövləti idarə etmək məsuliyyətini digər siyasi partiyalarla bölüşmək ən yaxşı Avropa təcrübəsidir. Gürcü Arzusu bunu yalnız dəstəkləyir və alqışlayır. Bu səbəbdən müxalif siyasi partiyaların davranışlarından siyasi sistemimizin effektiv koalisiya hökuməti üçün yetişdiyini öyrənsək xoş niyyətimizlə növbədənkənar seçkiləri 43 %ndeyil, 53% səslə keçirməyə hazırıq. Belə bir rejim maraqlara zərər verməyəcək. Belə bir vəziyyətdə, inkişaf etmiş Avropa demokratiyalarında qurulmuş konstitusiya praktikasına uyğun olaraq növbədənkınar seçkilər xoş niyyətimizlə çağırılacaq”,
- deyə Kobaxidze qeyd edib.

İrakli Kobaxidzenin sözlərinə görə, "Şarl Mişelin sənədinin ləğv edilməsi ölkəni konstitusiya çərçivəsinə qaytarıb".

Şarl Mişel sənədinə görə, "Gürcü Arzusu" 2021 yerli seçkilərinin 43 faizindən azını alarsa, növbədənkənar seçkilər keçiriləcək.
Mənbə: Netgazeti

 

FaceBook Twitter Google
დაიცავი დისტანცია