წითელი ხიდი – წალკა – ახალქალაქის მაგისტრალურ გაზსადენზე დაგეგმილი სარეკონსტრუქციო-სარეაბილიტაციო სამუშაოების გამო, დღეს, 6 ივლისის დილის 06:00 საათიდან ბუნებრივი გაზის მიწოდება ოფიციალურად შეწყდა.

გაზმომარაგების შეზღუდვა 9 ივლისის 09:00 საათამდე გაგრძელდება და ის ქვემო ქართლის მასშტაბით მარნეულის, ბოლნისისა და დმანისის მუნიციპალიტეტებს ეხება. კერძოდ:

მარნეულის მუნიციპალიტეტი - გაზი გაეთიშა 72 დასახლებას (მათ შორის ქალაქ მარნეულს, იგეგმება ეტაპობრივი აღდგენა);

დმანისის მუნიციპალიტეტი - შეზღუდვა შეეხო 34 დასახლებას (ქალაქ დმანისის ჩათვლით);

ბოლნისის

მუნიციპალიტეტი - ბუნებრივი გაზის გარეშე დარჩა 31 დასახლება (ქალაქ ბოლნისისა და დაბა კაზრეთის ჩათვლით).

კომპანიის ინფორმაციით, ბუნებრივი გაზის მიწოდების აღდგენა 9 ივლისის 09:00 საათიდან ეტაპობრივად დაიწყება და სრულად დღის ბოლომდე აღდგება.

„სოკარ ჯორჯია გაზი“ უსაფრთხოების ნორმების დასაცავად აბონენტებს მოუწოდებს, გაზის მიწოდების აღდგენამდე ყველა გაზის დანადგარი და ონკანი ჩაკეტილ მდგომარეობაში იქონიონ.