გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის მონაცემებით, 2026 წლის 1 იანვრიდან 30 ივნისის ჩათვლით, ქვეყნის მასშტაბით ნარჩენების მართვის კოდექსის დარღვევის 2 664 ფაქტი დაფიქსირდა.

უწყების სტატისტიკის მიხედვით, სამართალდარღვევები სახეობების მიხედვით შემდეგნაირად ნაწილდება:

• 713 ფაქტი – გარემოს დანაგვიანება მუნიციპალური ნარჩენებით;
• 267 ფაქტი – მუნიციპალური არასახიფათო ნარჩენების ღია წესით ან არადანიშნულების საწვავ დანადგარში წვა;
• 250 ფაქტი

  

  – გარემოს დანაგვიანება სამშენებლო ან სხვა ინერტული მასალით;
• 240 ფაქტი – კომპანიის ნარჩენების მართვის გეგმის წარდგენისა და ამ გეგმით განსაზღვრული ღონისძიებების განხორციელების მოთხოვნების დარღვევა;
• 85 ფაქტი – ტერიტორიის დაბინძურება კანალიზაციის ან/და შლამისებრი ნარჩენით;
• 46 ფაქტი – გარემოს დანაგვიანება/დაბინძურება ცხოველის სხეულის ნარჩენებით;
• 5 ფაქტი – სახიფათო ნარჩენების მართვასთან დაკავშირებული მოთხოვნებისა და ვალდებულებების შეუსრულებლობა;
• 1 058 ფაქტი – სხვა სახის დარღვევები.

რეგიონულ ჭრილში ნარჩენების მართვის კოდექსის დარღვევის ყველაზე მაღალი მაჩვენებელი — 654 ფაქტი ქვემო ქართლში გამოვლინდა. რაც შეეხება სხვა რეგიონებს, მონაცემები ასეთია:

• კახეთი – 372
• მცხეთა-მთიანეთი – 250
• აჭარა – 200
• იმერეთი – 184
• შიდა ქართლი – 176
• სამცხე-ჯავახეთი – 146
• სამეგრელო-ზემო სვანეთი – 130
• გურია – 18
• რაჭა-ლეჩხუმი და ქვემო სვანეთი – 2

ამასთანავე, 2026 წლის პირველ 6 თვეში დეპარტამენტის თანამშრომლებმა დედაქალაქში სამართალდარღვევის 532 ფაქტი დააფიქსირეს.