მარნეულის მუნიციპალიტეტის ადგილობრივი თვითმმართველობა წარჩინებულ კურსდამთავრებულებს „აი-იას“ სამყაროში ამოგზაურებს“. მარნეულის მერიის მიერ გამოქვეყნებული გამარტივებული შესყიდვის მიხედვით, მუნიციპალიტეტი 2024-2025 სასწავლო წლის წარჩინებულ მოსწავლეებს იაკობ გოგებაშვილის სახლ-მუზეუმში წაიყვანს და ღია გაკვეთილს ჩაუტარებს.

„მოგახსენებთ, რომ მარნეულის მუნიციპალიტეტში 2024-2025 სასწავლო წელი წარჩინებით დაასრულა 62- მა მოსწავლემ ( ოქრო-44, ვერცხლი-18).
მიზანშეწონილად მიმაჩნია, მოტივაციის ამაღლების მიზნით წარჩინებული მოსწავლეები და მათი პედაგოგები ვამოგზაუროთ „აი-იას“ სამყაროში, კერძოდ,

მოვინახულოთ იაკობ გოგებაშვილის სახლ მუზეუმი, ჩავატაროთ ღია გაკვეთილი მუზეუმის ეზოში, ღონისძიება კი დავასრულოთ სტუმრების გამასპინძლებით“. - აღნიშნულია გამარტივებული შესყიდვის მოხსენებით ბარათში


ჯანდაცვის, სოციალური უზრუნველყოფის, კულტურის, სპორტის, ბავშვის უფლებების დაცვისა და მხარდაჭერის სამსახურის ხელმძღვანელის მოვალეობის შემსრულებლის დავით აროშიძის მოხსენებითი ბარათის მიხედვით, ღონისძიების სრულყოფილად ჩასატარებლად საჭიროა:
1) 2(ორი) ერთეული სამგზავრო ავტობუსის (50 ადგილიანი) დაქირავება მარშრუტით: მარნეული- ვარიანი- მარნეული.
2) 65 (სამოცდახუთი) ერთეული სასაჩუქრე წიგნის ( ზომა 35*25) შეძენა
3)65(სამოცდახუთი) სასაჩუქრე პარკის, მუნიციპალიტეტის ლოგოთი (წიგნისმ შესაბამისი ზომის) შეძენა
4)სტუმრების და მოსწავლეების გამასპინძლების უზრუნველყოფა

მოხსენებითი ბარათის მიხედვით, მარნეულის მერია კურსდამთავრებულებს “აი-იას” სამყაროში 5 სექტემბერს ამოგზაურებს.

მარნეულის მერიამ 65 ვეფხისტყაოსანის წიგნი “ბაკურ სულაკაურის გამომცემლობისაგან” 3 406 ლარად შეიძინა.