Daxili İşlər Nazirliyinin Xidmətlər Agentliyi tərəfindən tənzimlənən bir sıra xidmətlərin qiyməti əhəmiyyətli dərəcədə artır.

Dəyişikliklər həm Gürcüstan ərazisindən tranzitlə keçən nəqliyyat vasitələrinə xarici tranzit nömrələrin verilməsinə, həm də Gürcüstanda alınmış avtomobilləri ixrac və ya təkrar ixrac edən əcnəbilər üçün servislərə toxunur.

Qanunvericilik təşəbbüsü artıq Parlamentə təqdim olunub və deputatlar onu sürətləndirilmiş qaydada müzakirə edəcəklər. Dəyişikliklər Gürcüstanın Gömrük Məcəlləsinə daxil edilir.

DİN-in izahına görə, layihə mövcud tariflər və xidmətlərin həcmi arasındakı balansı bərpa etmək məqsədi daşıyır. Ən əhəmiyyətli artım – 640% – tranzit nömrələrinin verilməsinə aiddir. Tranzit nömrəsinin verilməsi haqqı mövcud 50 lari əvəzinə 370 lari olacaq.

Digər xidmətlər üzrə artımlar belədir:

• Agentliyin ərazisində keçirilən yoxlama: 180 lari (əvvəl 100 lari)
• Agentliyin ərazisindən kənarda keçirilən yoxlama: 200 lari (əvvəl 130 lari)
• Gömrük bəyannaməsinin/Qeydiyyat şəhadətnaməsinin doldurulması və məlumatların göndərilməsi: 200 lari (əvvəl 130 lari)
Layihə həmçinin yeni xidmət kateqoriyalarını əhatə edir:
• İxrac/təkrar ixrac edilən nəqliyyat vasitəsinə tranzit nömrəsinin verilməsi – 150 lari
• Tranzit nömrəsinin verilməsini təsdiq edən sənəd – 20 lari
Layihənin izahat vərəqində qeyd olunur ki, dəyişikliklər inzibati resursun səmərəli istifadəsinə və prosedurların optimallaşdırılmasına xidmət edir.
Vərəqdə yazılıb ki, haqqın artırılması zərurəti son illərin statistikası ilə bağlıdır:
• Təkrar ixrac: 2023 – 100,027 ədəd; 2024 – 101,449 ədəd; 2025 (mövcud məlumata görə) – 99,136 ədəd
• İxrac: 2023 – 16,182 ədəd; 2024 – 12,517 ədəd; 2025 (mövcud məlumata görə) – 12,825 ədəd

Onların sözlərinə görə, bu məlumatlar tranzit və ixrac/ təkrar ixrac yolu ilə hərəkət edən avtomobillərin böyük axınını əks etdirir ki, bu da Agentliyin yüklənməsini artırıb.

 

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.