მარნეულის N4 საჯარო სკოლაში მოსწავლეებს შორის კონფლიქტის საფუძველზე ერთ-ერთ მოსწავლეს ჭირილობები მიაყენეს. “Marneulinews.ge”-ს ინფორმაციით დაპირისპირება მერვე კლასელებს შორის მოხდა რის შედეგადაც ერთ-ერთ მოსწავლეს ჭრილობები თავსა და კისრის არეში აქვს მიყენებული.

გავრცელებული ინფორმაციის მიხედვით, დაპირისპირება სკოლის მიმდებარე ტერიტორიაზე მოხდა.

რადიო “მარნეულს” შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 120-ე მუხლით მიმდინარეობს რაც ჯანმრთელობის განზრახ მსუბუქ დაზიანებას გულისხმობს. დანაშაული ისჯება ჯარიმით ან გამასწორებელი სამუშაოებით ვადით 6 თვემდე ან თავისუფლების აღკვეთით ვადით 2 წლამდე.

რადიო “მარნეულს” ჯეო ჰოსპიტალსში განუცხადეს, რომ დაჭრილი მოზარსის მდგომარეობა სტაბილურია.

რადიო “მარნეული”