მარნეულის მუნიციპალიტეტის ადგილობრივმა თვითმმართველობამ 2026 წლის განმავლობაში ქალაქ მარნეულში გასაკრავი საინფორმაციო და მისალოცი ბილბორდების/ბანერების დიზანის დამზადების, თანმდევი მონტაჟისა და დემონტაჟისათვის ტენდერი გამოაცხადა.

სატენდერო წინადადების მიხედვით, გამარჯვებული კომპანია ვალდებული იქნება ერთი წლის განმავლობაში 30 მისალოცი ბილბორდი გამოაკრას. მისალოცი ბილბორდები შემდეგი დღესასწაულებისათვის გამოიკვრება:
ნოვრუზ ბაირამის ბილბორდი - 5 ცალი;
აღდგომის ბილბორდი - 5 ცალი;
26 მაისის ბილბორდი - 3 ცალი;
მარიამობის ბილბორდი - 5 ცალი;
საახალწლო ბილბორდი - 4 ცალი;
საშობაო ბილბორდი - 4 ცალი.

მარნეულის მერია 2026 წლის განმავლობაში მისალოცი ბილბორდების განთავსებისათვის 17 850 ლარის დახარჯვას გეგმავს. მერიის მიერ გამოცხადებულ ტენდერში მონაწილეობა დაინტერესებულ კომპანიებს 21-დან 23 იანვრამდე პერიოდში შეუძლიათ.

აღსანიშნავია, რომ მარნეულის მერია სადღესასწაულო ბილბორდების განთავსებისათვსი ტენდერს ყოველწლიურად აცხადებს. 2024 და 2025 წლებში მერიის მიერ გამოცხადებულ ტენდერში ერთი და იგივე კომპანიამ შპს Print Office-მა გაიმარჯვა. მერიამ კომპანიას მომსახურების შესრულებისათვის ორივე წელს ერთი და იგივე თანხა, 18 054 ლარი, გადაუხადა.

რადიო „მარნეული“