დმანისის მუნიციპალიტეტში ორი საბავშო ბაღის სახურავის შეცვლა იგეგმება. დმანისის მუნიციპალიტეტის მერიამ სარეაბილიტაციო სამუშაოებისათვის ორი ტენდერი გამოაცხადა.

თვითმმართველობა 121`740 ლარად გეგმავს სოფელ გომარეთის საბავშვო ბაღის სახურავის სარეაბილიტაციო სამუშაოს შესყიდვს, რომელიც ითვალისწინებს სადემონტაჟო და ახლის მოწყობის სამუშაოებს.

სადემონტაჟო სამუშაოები:

• მოხდეს სახურავის ფენილის, მოლარტყვისა და სანივნივე სისტემის სრული დემონტაჟი, ასევე არსებული წყალასაწრეტი სისტემა.
მოსაწყობი სამუშაოები:
• სახურავზე მოეწყოს ახალი მოლარტყვისა და სანივნივე სისტემა და

ახალი ფენილი.
• მოეწყოს ახალი წყალასაწრეტი სისტემა.

იგივე სამუშაოებია გათვალისწინებული სოფელ განთიადის საბავშო ბაღისთვისაც. დასახარჯი თანხის სავარაუდო ოდენობა კი 123`649 ლარია.

განთიადის ტენდერში მონაწილეობა მსურველ კომპანიებს 21-24 თებერვლის პერიოდში შეეძლებათ, ხოლო, გომარეთის ტენდერში, პრეტენდენტები წინადადებების დაფიქსირებას 20-23 თებერვლის პერიოდში შეძლებენ.