დედის დღესთან დაკავშირებით მარნეულში ბაზრის მიმდებარე ტერიტორია, ტრადიციულად, ყვავილებით მოვაჭრეებითაა სავსე. ყოველი ფეხის ნაბიჯზე ახალი დახლია, სადაც ცოცხალ, ხელოვნურ თუ ქოთნის ყვავილებს ყიდიან.

ბაზარსა და მის მიმდებარე ტერიტორიაზე ყვავილების ფასები 5 ლარიდან იწყება. 5 ლარადაა შესაძლებელი პატარა ქოთნის ყვავილების ყიდვა. სხვადასხვა სახის ქოთნის ყვავილები 5, 10, 15 და 20 ლარი ღირს.

ყვავილების თაიგულების ფასები 25 ლარიდან იწყება და 90-100 ლარამდეც ადის. ერთი ცალი წითელი ვარდის ღირებულება 10 ლარია.

რაც შეეხება ხელოვნურ ყვავილებს, ფასები ზომების მიხედვით განსხვავდება. ყველაზე პატარა თაიგული 10 ლარი ღირს, ხოლო ყველაზე დიდი 60-70 ლარი.

დღეს 3 მარტია, დედის დღე. საქართველოში დედის დღე უქმე დღედაა გამოცხადებული.

რადიო „მარნეული“