მარნეულის მუნიციპალიტეტის ადგილობრივი თვითმმართველობა სოფელ წოფში (ცოფი) წყალმომარაგების სისტემის მოწყობას გეგმავს. მერიის მიერ გამოცხადებული ტენდერის მიხედვით, ცოფში დაგეგმილია ახალი ჭაბურღილისა და 5 კუბური მეტრის ტევადობის წყალშემკრები კამერა.

„წყალსადენის მაგისტრალი პოლიეთილენის მილებით; წყლის გამანაწილებელი ქსელი, მოსახლეობის დაერთებები გათვალისწინებულია ასევე 2 ცალი სახანძრო ჰიდრანტის მოწყობა. სოფელში საპროექტო უბნებზე ცხოვრობს 230 კომლი, დაახლოებით 700 მოსახლე“. - აღნიშნულია საპროექტო წინადადებაში

ტენდერის მიხედვით, სოფელ წოფში წყალმომარაგების სისტემის მოწყობა 1 003 015 ლარადაა დაგეგმილი. სამუშაოებისათვის გათვალისწინებული თანხის 95% სახელმწიფო, ხოლო 5% ადგილობრივი თვითმმართველობის ბიუჯეტიდან დაიხარჯება.

სოფელ წოფში წყალმომარაგების სისტემის მოწყობის სამუშაოების ტენდერში მონაწილეობა კოპანიებს პირველიდან 6 მაისამდე პერიოდში შეეძლებათ. გამარჯვებული კომპანია ვალდებული იქნება სამუშაოები ხელშეკრულების გაფორმებიდან 210 დღის განმავლობაში შეასრულოს.

რადიო „მარნეული“