მარნეულის მუნიციპალიტეტის სოფელ ბაითალოში იგეგმება ცენტრალური გზისა და მიმდებარე ჩიხების რეაბილიტაციისთვის საჭირო საპროექტო-სახარჯთაღრიცხვო დოკუმენტაციის მომზადება, რომელიც სრულად ფინანსდება ადგილობრივი თვითმმართველი ერთეულის ბიუჯეტიდან. პროექტის ღირებულება შეადგენს 40 000 ლარს. სატენდერო დოკუმენტაციის მიხედვით, ბაითალოს არსებული საგზაო ქსელი საჭიროებს კომპლექსურ რეაბილიტაციას, რადგან რიგ მონაკვეთებზე შეინიშნება როგორც ტექნიკური, ისე უსაფრთხოების პრობლემები.

დაგეგმილი სამუშაოების ძირითადი მიმართულებები.

რეაბილიტაციის ფარგლებში გათვალისწინებულია რამდენიმე ინფრასტრუქტურული კომპონენტი:

• • გზის განივი და გრძივი პროფილების აღდგენა;
• • ვირაჟების (მრუდე მონაკვეთების) მოწყობა უსაფრთხოების სტანდარტების შესაბამისად;
• • მიწის ვაკისის სიგანის, ფერდობების და წყალგამტარი ნაგებობების გეომეტრიული პარამეტრების შესაბამისობაში მოყვანა საპროექტო ნორმებთან;
• • საგზაო უსაფრთხოების გაუმჯობესება განსაკუთრებით ავარიების მაღალი რისკის მონაკვეთებზე;
• • სატრანსპორტო კვანძებში მოძრაობის ორგანიზების ოპტიმიზაცია ერთ დონეზე;
• • წყალამრიდი სისტემების სრული აღდგენა ან ახალი ნაგებობების მოწყობა;
• • საგზაო საფარის გაძლიერება მოძრაობის ინტენსივობის გათვალისწინებით;
• • ხელოვნური ნაგებობების (კალაპოტები, სარეგულაციო კონსტრუქციები და სხვა) აღდგენა და გაუმჯობესება;
• • საგზაო მოძრაობის ორგანიზაციის თანამედროვე ტექნიკური საშუალებებით აღჭურვა;
• • ტროტუარების, ბილიკების, ავტობუსის გაჩერებების და მოსაცდელი სივრცეების რეაბილიტაცია ან ახალი მოწყობა.

ტენდერში მონაწილეობა მსურველ კომპანიებს 11-13 მაისის პერიოდში შეეძლებათ.