მარადისის საჯარო სკოლის გარემოსდაცვითი კლუბი , საინიციატივო ჯგუფი , ,,მარადისელი ქალები მომავლისათვის", კოოპერატივი ,,მწვანე მარადისი" და მარადისის მოსახლეობა საქველმოქმედო ფესტივალს ატარებს.

ღონისძიება გაიმართება 23 მაისს მარნეულის მუნიციპალიტეტის სოფელ მარადისში.

“ფესტივალში მონაწილეობენ ეკოკლუბის მეგობარი სკოლები, მეწარმე ქალები, საინიციატივო ჯგუფები სხვადასხვა სოფლიდან, ორგანიზაციები და მარადისსა და მარადისელებზე შეყვარებული ადამიანები.” - წერენ ორგანიზატორები.

სკვერში, რომელიც მარადისის გარემოსდაცვითი კლუბის ინიციატივით შეიქმნა, გამოიფინება ხელნაკეთი ნივთები, ნაქარგები, დეკორატიული მცენარეები, ჩითილები, ყვავილები, ბოსტნეული , ნახატები და სხვა.

გაიყიდება საკვები.

ჩატარდება კონცერტი აზერბაიჯანელი, სომეხი და ქართველი შემსრულებლების მონაწილეობით.

მსურველები შეიძენენ ,, სახელის ხეს" და დარგავენ მარადისის სკვერში ,,საჩრდილობლად".

ფესტივალზე შემოსული თანხა გადაერიცხებათ ლეიკემიით დაავადებულ ბავშვებს.