მარნეულის მუნიციპალიტეტის სკოლებში პირველკლასელთა რეგისტრაციის მოთხე ეტაპი, საყოველთაო რეგისტრაცია მიმდინარეობს. მოსწავლეთა რეგისტრაციის ვებ-გვერდი დილის 09:00 საათზე გაიხსნა და ამ დროის მონაცემებით მარნულის ექვს საგანმანათლებლო დაწესებულებაში პირველკლასელთა მიღების ლიმიტები ზოგ შემთხვევაში ამოიწურა, ზოგან კი მხოლოდ რამდენიმე ადგილია დარჩენილი.

სრულადაა შევსებული ქალაქ მარნეულის №5 საჯარო სკოლის პირველკლასელთა ლიმიტი -75 ადგილი

თავისუფალი ადგილები აღარ არის დარჩენილი ქალაქ მარნეულის №2 საჯარო სკოლაში.
შევსებულია როგორც ქართული, ასევე რუსული სექტორები. მისაღებ პირველკლასელთა რაოდენობა 75.

100 მოსწავლე დარეგისტრირდა ქალაქ მარნეულის №6 საჯარო სკოლის ქართულ სექტორზე. თავისუფალი ადგილი იძებნება ამავე საგანმანათლებლო დაწესებულების რუსულ სექტორზე - 7 ადგილი

სოფელ ახალი დიოკნისის საჯარო სკოლაში კი 25 თავისუფალი ადგილიდან მხოლოდ 1-ია დარჩენილი.

რეგისტრაცია მიმდინარეობს განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი.

დარეგისტრირებულ სკოლაში დოკუმენტების წარდგენს ვადა: 06 ივლისი - 17 ივლისი
მშობელი/კანონიერი წარმომადგენელი ვალდებულია შესაბამის სკოლაში წარადგინოს:
• განცხადება;
• მშობლის/კანონიერი წარმომადგენლის პირადობის მოწმობის ასლი;
• ბავშვის დაბადების მოწმობის ასლი.


მოსწავლის ჩასარიცხად აუცილებელი დოკუმენტების განსაზღვრულ ვადებში წარუდგენლობის შემთხვევაში რეგისტრაცია ავტომატურად გაუქმდება.