Gürcüstan Daxili İşlər Nazirliyinin Mərkəzi Kriminal Polis Departamentinin əməkdaşları Baş Prokurorluqla birgə son 24 saat ərzində Tbilisi, Şida Kartli və Kvemo Kartlidə həyata keçirilən polis tədbirləri nəticəsində “qanuni oğru aləmi” ilə əlaqədə olmaqda şübhəli bilinən 21 nəfəri saxlayıblar. Daha 9 nəfərə, o cümlədən xaricdə yaşayan kriminal avtoritetə ittiham irəli sürülüb.

Mərkəzi Kriminal Polis Departamentinin direktoru David Kiknadzenin sözlərinə görə, istintaq nəticəsində aydın olub ki, təqsirləndirilən şəxslər, o cümlədən Kvemo Kartlidə fəaliyyət göstərən şəxslər maliyyə mübahisələrinin həlli məqsədilə “qanuni oğru müzakirələri” təşkil ediblər. Həmin müzakirələrdə xaricdə yaşayan kriminal avtoritet Elmuraz Məmmədov da iştirak edib.


İstintaqın məlumatına görə, Elmuraz Məmmədov Gürcüstanda onunla əlaqəli olan şəxslərlə əlaqə saxlayaraq, onların vasitəsilə vətəndaşlardan və sahibkarlardan “qanuni oğru qaydaları” əsasında böyük məbləğdə pul tələb edib. Tələblər yerinə yetirilmədiyi halda isə həmin şəxslər fiziki zorakılıq və ya ölümlə hədələniblər.

Hüquq-mühafizə orqanlarının əməkdaşları gizli istintaq tədbirləri və axtarışlar nəticəsində maddi sübut kimi mobil telefonlar və kompüter avadanlıqları götürüblər. İstintaqın məlumatına görə, təqsirləndirilən şəxslər bu vasitələrlə bir-birləri və xaricdə olan kriminal avtoritetlə əlaqə saxlayıblar.

Polisin məlumatına əsasən, saxlanılan şəxslərin yaşayış yerlərində aparılan axtarışlar zamanı, həmçinin “qanuni oğru kassası” üçün toplandığı ehtimal olunan 62 min ABŞ dollarından çox pul vəsaiti, avtomobillər, döyüş sursatları və odlu silahlar aşkar edilərək götürülüb.

Faktla bağlı araşdırma Gürcüstan Cinayət Məcəlləsinin 223¹, 223³ və 223⁴-cü maddələri ilə aparılır. Həmin maddələr 15 ilədək azadlıqdan məhrumetmə cəzasını nəzərdə tutur.

Daxili İşlər Nazirliyindən bildirilib ki, mütəşəkkil cinayətkarlığa qarşı mübarizə, o cümlədən Kvemo Kartlidə aktiv şəkildə davam etdiriləcək və bu istiqamətdə əməliyyat-axtarış və istintaq tədbirləri yenə həyata keçiriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.