გაერთიანებამ ბაღებში გასანაწილებლად ჰიგიენური საშუალებები იყიდა
მარნეულის ბაღების გაერთიანებამ ჰიგიენური საშუალებები გამარტივებული წესით, 2 949 ლარად შეიძინა.
მარნეულის მუნიციპალიტეტის ტერიტორიაზე არსებულმა ბაგა-ბაღების გაერთიანებამ სარეცხი, საწმენდი და ჰიგიენური საშუალებების შესყიდვის მიზნით შპს „გამა–გ“-სთან გამარტივებული ხელშეკრულება გააფორმა. შესყიდვის საერთო ღირებულებამ 2 949 ლარი შეადგინა.

სახელმწიფო შესყიდვების ვებგვერდზე გამოქვეყნებული ხელშეკრულებისა და თანდართული დოკუმენტაციის მიხედვით, შემდეგი ნივთები შეიძინეს. 

• ტუალეტის საწმენდი ჟელე („დომესტოსი“) – 50 ცალი,

ჯამური ღირებულება 675 ლარი;
• ტუალეტის ხსნარი („ACE“, ) – 50 ცალი, ჯამური ღირებულება 400 ლარი;
• ჭურჭლის სარეცხი ჟელე – 70 ცალი, ჯამური ღირებულება 455 ლარი;
• სარეცხი ფხვნილი („ABC avtomat“, 9კგ) – 10 ცალი, ჯამური ღირებულება 290 ლარი;
• ნარჩენების ცელოფანი (35ლ და 60ლ) – ჯამური ღირებულება 323 ლარი;
• საწმენდი და იატაკის ტილოები – ჯამური ღირებულება 466 ლარი;
• ფხვნილი და ჭურჭლის ღრუბლები – ჯამური ღირებულება 340 ლარი.

ხელშეკრულებას ხელი ბაღების გაერთიანების დირექტორმა, ზაურ კარამოვმა და შპს „გამა–გ“-ს დირექტორმა, ანა ნოზაძემ მოაწერეს. პროდუქცია მარნეულში, აღმაშენებლის ქუჩა №27-ში მდებარე მისამართზე უნდა მიეწოდებინათ, ხოლო მიწოდების ბოლო ვადად 2026 წლის 7 ოქტომბერი იყო განსაზღვრული.

Print ელ. ფოსტა
FaceBook Twitter Google
მსგავსი სიახლეები