შინაგან საქმეთა სამინისტროს ქვემო ქართლის პოლიციის დეპარტამენტის
მარნეულის რაიონული სამმართველოს
თანამშრომლებმა დიდი ოდენობით თანხის თაღლითურად დაუფლების ბრალდებით
ერთი პირი დააკავეს.
გამოძიებით დადგინდა, რომ ბრალდებულმა მარნეულის მუნიციპალიტეტში
მდებარე სამშენებლო მასალების მაღაზიის მეპატრონეს 45 870 ლარის
ღირებულების მასალა გამოართვა. მან მაღაზიის მეპატრონეს თანხის
მოგვიანებით გადახდა დაჰპირდა, თუმცა პირობა
არ შეასრულა და მასალები
თაღლითურად მიითვისა.
სამართალდამცველებმა ბრალდებული მოსამართლის განჩინების საფუძველზე
დააკავეს.
გამოძიება საქართველოს სისხლის სამართლის კოდექსის 180-ე მუხლის მე-3
ნაწილით მიმდინარეობს, რაც 9 წლამდე ვადით თავისუფლების აღკვეთას
ითვალისწინებს.