DİN Pekin prospektində mikromaliyyə təşkilatına hücum faktı ilə bağlı ata və övladını saxlayıb
Daxili İşlər Nazirliyi Pekin prospektində
yerləşən mikromaliyyə təşkilatlarından birinə hücum olunması faktı
ilə bağlı iki nəfər saxlanılıb, onlar keçmişdə də müxtəlif
cinayətlərə görə məhkum olmuş ata-oğuldurlar.
Bu
barədə “Interpresnews”a DİN-dən məlumat veriblər.
“Daxili İşlər Nazirliyinin Tbilis Polis Departamentinin
Vake-Saburtalo Polis İdarəsinin əməkdaşları həyata keçirdikləri
əməliyyat -axtarış və istintaq tədbirləri nəticəsində qrup şəklində
törədilmiş qarət və odlu silahın qeyri-qanuni şəkildə əldə
edilməsi-daşınması ittihamı ilə keçmişdə də müxtəlif cinayətlərə
görə məhkum olmuş ata-oğulu – 1965-ci ildə anadan olmuş Q.Ş. və
1989-cu ildə anadan olmuş E.Ş.-ni saxlayıb.
Törədilmiş cinayətə görə 6 ildən 9 ilədək azadlıqdan məhrumetmə
cəzası nəzərdə tutulur.
İstintaq nəticəsində müəyyən olmuşdur ki, müttəhimlər Pekin
prospektində yerləşən mikromaliyyə təşkilatlarından birinə hücum
edib, ancaq oradan pul aparmağa nail ola bilməyiblər və hüquq
mühafizəçiləri gələnədək ərazidən qaçıb gizləniblər. Həmçinin
müəyyən olunmuşdur ki, müttəhimlərdən biri hadisə yerində odlu
silahdan bir dəfə atəş açıb. Atəş nəticəsində xəsarət alan
olmayıb.
Polis Q.Ş. və E.Ş.-ni cinayət törədildikdən bir neçə saat sonra
Tbilisidə saxlayıb.
Qrup şəklində törədilmiş qarət və odlu silahın qeyri-qanuni şəkildə
əldə edilməsi-daşınması faktı ilə bağlı Cinayət məcəlləsinin 179-cu
maddəsinin 2-c hissəsinin “b” bəndi və 236-cı maddəsinin 3-cü və
4-cü hissələri ilə istintaq davam edir”, – DİN-in bəyanatında
deyilir.