მარნეულში არასამთავრობო ორგანიზაციების წარმომადგენლებმა 9 აპრილის ტრაგედია გაიხსენეს
დღეს, საქართველოს აზერბაიჯანელთა
ინტეგრაციის ცენტრის თანამშრომლებმა მარნეულში მდებარე 9 აპრილის
მემორიალი ყვავილებით შეამკეს და გარდაცვლილების ხსოვნას პატივი
მიაგეს.
ღონისძიების მონაწილეობა ამ დღის მნიშვნელობაზე ისაუბრეს და 9 აპრილის
მოვლენების შესახებ ახალგაზრდებს ინფორმაცია მიაწოდეს.
1989 წლის 9 აპრილს, გამთენიისას, საბჭოთა კავშირის შეიარაღებული
ძალების ნაწილებმა თბილისის ცენტრში, პარლამენტის შენობასთან
მშვიდობიანი საპროტესტო აქცია დაარბიეს, რასაც მსხვერპლი მოჰყვა.
დარბევის შედეგად 21 ადამიანი დაიღუპა. პარლამენტის წინ შეკრებილი
ათასობით მოქალაქე დაუდგენელი შემადგენლობის გაზით მოიწამლა.