მარნეულის თეატრალურმა დასმა პოლონეთის თეატრალურ ფესტივალზე ოკუპაცია გააპროტესტა (+ვიდეო)
15:53 / 25.06.2019
,,რუსეთი ოკუპანტია," ,,ჩვენი ქვეყნის 20% ოკუპირებულია რუსეთის მიერ" - ამ წარწერების მქონე ტრანსფარანტებით, მარნეულის თეატრალურმა დასმა, პოლონეთის თეატრალურ ფესტივალზე ოკუპაცია გააპროტესტა.
აღნიშნულ ინფორმაციას მარნეულის კულტურის ცენტრი ფეისბუქის ოფიციალურ გვერდზე აქვეყნებს.
რამდენიმე დღის წინ, მარნეულის მუნიციპალიტეტის ,,კულტურის ცენტრი"-თან არსებული თეატრალური დასი პოლონეთში გაემგზავრა. გუშინ, 24 ივნისს გდანსში გამართულ მე-10 საერთაშორისო თეატრალურ ფესტივალზე, დასმა რეჟისორ გოჩა ხვიჩიას სპექტაკლი ,,აირწინაღი" წარადგინა. სპექტაკლის დასასრულს გოჩა ხვიჩიამ მაყურებლების ყურადღება მოითხოვა და ოკუპაცია გააპროტესტა.
ვიდეო აღებულია "ქართული თეატრი"- ს ფეისბუქ გვერდიდან.
