სიახლე
საკრებულოს აპარატის უფროსი საჯარო ინფორმაციის პროაქტიულად გამოქვეყნების წესის მიღებას სავალდებულოდ არ თვლის

მარნეულის მუნიციპალიტეტის მერიას უკვე მეშვიდე წელია საჯარო ინფორმაციის პროაქტიულად გამოქვეყნების წესი არ მიუღია. ამ ფაქტს როგორც მერიაში, აგრეთვე საკრებულოში ეთანხმებიან.
მერის მოადგილე ლაშა ლობჯანიძე გვეუბნება, რომ უახლოეს მომავალში მერიაში საიტის გამართულად ფუნქციონირებისთვის ერთ ადამიანს აიყვანენ, რომელიც პასუხისმგებელი იქნება ვებგვერდზე საჯარო ინფორმაცია გამოაქვეყნოს. ლობჯანიძე პრობლემის აღმოსაფხვრელად კონკრეტულ რიცხვს ვერ ასახელებს და განუსაზღვრელ მომავალში საუბრობს.

კითხვაზე აქვს თუ არა რომელიმე საკრებულოს სხდომაზე საკრებულოს აპარატს მიღებული დადგენილება ინფორმაციის პროაქტიულად გამოქვეყნებისა, აპარატის უფროსს ნინო ბერიძეს მაგალითად თვითმმართველობის საკანონმდებლო მაცნედან 85-ე მუხლი მოჰყავს და ამბობს, რომ ამ ეტაპზე დღის წესრიგში არ დამდგარა დადგენილების მიღება და ამას არც კანონი ავალდებულებთ.

„თუკი ადგილობრივ თვითმმართველობას აქვს კიდევ დამატებით საჭიროება რამე გამოაქვეყნოს, რაც ჩამონათვალში არ არის და კანონმდებლობა ითვალისწინებს, იმ შემთხვევაში იღებს დამატებით რეგულაციას და ასეთი საჭიროება არ არის ამ ეტაპზე.“ - ამბობს ნინო ბერიძე

ბერიძის თქმით, მერიის ვებგვერდზე საკრებულოს განყოფილებაში არასრული ინფორმაციის არსებობა საიტის რეორგანიზაციიდან არის გამოწვეული. პრობლემის აღმოფხვრას კი უახლოესი ერთი თვის განმავლობაში შეეცდებიან.

არის თუ არა მერია ვალდებული მიიღოს საჯარო ინფორმაციის პროაქტიულად გამოქვეყნების წესი და რა არსებითი მნიშვნელობა გააჩნია მას ამისათვის ჩვენ „გამჭვირვალობა საქართველოს“ იურისტს არჩილ თოდუას დავუკავშირდით, რომელიც გასული წლის მსგავსად წელსაც მოუწოდებს მარნეულის მერიას მიიღოს შესაბამისი დადგენილება.

„ჩვენ შარშანაც ჩვატარეთ კვლევა და შევისწავლეთ თუ რამდენად ასრულებს მარნეულის მუნიციპალიტეტი ამ ვალდებულებებს. მათ ეს წესი არ აქვთ მიღებული მაშინ, როდესაც მუნიციპალიტეტების აფსოლუტურ უმრავლესობას საქართველოში დამტკიცებული აქვს საჯარო ინფორმაციის გამოქვეყნების პროაქტიულად გამოსაქვეყნებელი ნუსხა. რასაც შესაბამისი კოდექსი განსაზღვრავს. მაშინაც მოუწოდეთ მუნიციპალიტეტს და ახლაც მოვუწოდებთ, რომ ასეთი წესი მიიღონ“ - თქვა არჩილ თოდუამ

არსებულის შესრულებიდან გამომდნარე არჩილ თოდუა მიიჩნევს, რომ მერიის საქმიანობა მეტად გამჭვირვალე გახდება  და გაიზრდება მოქალაქეთა ჩართულობა. ზოგადი ადმინისტრაციული კოდექსი საჯარო დაწესებულებებს ავალდებულებს საჯარო ინფორმაცია პროაქტიული წესით გამოაქვეყნოს და ეს წესი უნდა ჰქონდეს შესაბამისი სამართლებრივი აქტით გამოქვეყნებული.

„ეს მნიშვნელოვანია რამდენიმე თვალსაზრისით. პირველი არის ის, რომ XXI საუკუნეში საჯარო ინფორმაციაზე წვდომა უნდა იყოს შეუფერხებლად სხვადასხვა წყაროების მეშვეობით და ერთ-ერთი ასეთი საშუალება არის ვებგვერდი, რომელიც გამართული უნდა იყოს და ნებისმიერ დაინტერესებულ პირს უნდა შეეძლოს მისთვის საინტერესო ინფორმაცია. მეორეს მხრივ მოქალაქეთა ჩართულობის კუთხითაც ძალიან მნიშვნელოვანია. განსაკუთრებული ამაში არაფერია, პრაქტიკა დამკვიდრებულია და თითქმის ყველა მუნიციპალიტეტს მიღებული აქვს.“ - გვითხრა არჩილ თოდუამ.

„გამჭვირვალობა საქართველომ“ ჯერ კიდევ 2018 წელს შეისწავლა მუნიცპალიტეტები და დაადგინა, რომ მარნეულის მუნიციპალიტეტი საჯარო ინფორმაციის პროაქტიულად გამოქვეყნების კანონით დადგენილ სტანდარტებს არ იცავს . რითაც არღვევს ზოგადი ადმინისტრაციული კოდექსის მოთხოვნებს.

კოდექსის თანახმად, საჯარო ინფორმაციის პროაქტიულად გამოქვეყნების მომწესრიგებელი ნორმატიული აქტები მუნიციპალიტეტებს 2013 წლის 1 სექტემბრამდე უნდა მიეღოთ.

რადიო მარნეულს კი აღნიშნულის შესახებ არაერთი მასალა მოუმზადებია, სადაც მუნიციპალიტეტის პასუხი დღევანდელისგან განსხვავებით დადგენილების აუცილებელ მიღებაზე მეტყველებდა.


FaceBook Twitter Google
მსგავსი სიახლეები
დღეს, 21 ივლისს, მარნეული-სადახლოს ავტომაგისტრალზე ავარია
მოხდა.
დღეს, 21 ივლისს, მარნეული-სადახლოს ავტომაგისტრალზე ავარია მოხდა.
მარნეულის კულტურის სახლში სამირ დურმუშოვისთვის
საქველმოქმედო კონცერტი გაიმართება. საქველმოქმედო კონცერტი, 25
ივლისს, 18:00 საათზე მარნეულის კულტურის სახლში, მარნეულელი
მომღერლის, შაბან მამედოვის ინიციატივით გაიმართება.
მარნეულის კულტურის სახლში სამირ დურმუშოვისთვის საქველმოქმედო კონცერტი გაიმართება. საქველმოქმედო კონცერტი, 25 ივლისს, 18:00 საათზე მარნეულის კულტურის სახლში, მარნეულელი მომღერლის, შაბან მამედოვის ინიციატივით გაიმართება.
18 ივლისს, მარნეულის
მერიაში გენდერული ბიუჯეტის შექმნაზე იმსჯელეს.
18 ივლისს, მარნეულის მერიაში გენდერული ბიუჯეტის შექმნაზე იმსჯელეს.
საბერძნეთის დედაქალაქ ათენში დღეს, 19 ივლისს,
ძლიერი მიწისძვრა მოხდა.
საბერძნეთის დედაქალაქ ათენში დღეს, 19 ივლისს, ძლიერი მიწისძვრა მოხდა.
სოფელი სეიდიგოჯალოს მოსახლეობა
სოფელი სეიდიგოჯალოს მოსახლეობა
ირაკლი
ოქრუაშვილი “რუსთავი 2”-თან დაკავშირებით ხვალ თბილისის საქალაქო
სასამართლოში სარჩელს შეიტანს.
ირაკლი ოქრუაშვილი “რუსთავი 2”-თან დაკავშირებით ხვალ თბილისის საქალაქო სასამართლოში სარჩელს შეიტანს.
შინაგან საქმეთა სამინისტროს თბილისის პოლიციის
დეპარტამენტის ისანი-სამგორის სამმართველოს თანამშრომლებმა, სამუშაოს
წარმოებისას უსაფრთხოების წესის დარღვევის ბრალდებით,
შინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს თანამშრომლებმა, სამუშაოს წარმოებისას უსაფრთხოების წესის დარღვევის ბრალდებით,
რუსეთის პრეზიდენტმა ვლადიმერ პუტინმა ხელი
მოაწერა საკანონმდებლო რეგულაციას,
რუსეთის პრეზიდენტმა ვლადიმერ პუტინმა ხელი მოაწერა საკანონმდებლო რეგულაციას,