კირაჩმუღანლოელების მორიგი პრობლემა
ოფელი კირაჩმუღანლოს მცხოვრებლები სარწყავი წყლის პრობლემის გამო ჩივიან.
65 წლის სოჰბათ ომაროვი ერთ-ერთია იმ მცხოვრებლებს შორის, რომელიც წლებია სოფლის მეურნეობით არის დაკავებული. სოჰბათ ომაროვი ამბობს, რომ უკვე ერთ წელზე მეტია სოფელში სარწყავი წყალი მოდის. სოფელში 50 ჰექტარი უნდა ირწყვებოდეს, თუმცა პროდუქტი ფუჭდება.

ომაროვი ამბობს, რომ სოფლის ახალგაზრდა მცხოვრებლები ღამის საათებში მეზობელ სოფელში - ხანჯიღაზლოსა და თაქალოდან წყალს იპარავენ და ამ გზით რწყავენ პროდუქტს. სოფლის კუთვნილ არხში კი წყალი თვეში ერთხელ ან ორჯერ მოდის, ისიც ერთი საათით.

„ჩვენ სარწყავ წყალთან დაკავშირებით ხელშეკრულება გვაქვს და სახელმწიფოს ფულს ვუხდით. სექტემბერ- ოქტომბრის თვეში მეუბნებიან, რომ არ გაქვს ფული გადახდილიო. თუ ჩემი პროტუქტი ფუჭდება მე ეს ფული საიდან უნდა ვიშოვო და რატომ უნდა გადავიხადო?“ - სოჰბათ ომაროვი ამბობს, წყალი რომ არ მოდის, ამის მიზეზი ისაამ რომ კირაჩმუღანლო ბოლო სოფელია.

სოჰბათ ომაროვის თქმით , სოფლის რწმუნებულს ეჰთირამ ალიევს მიმართა. რომელმაც თქვა, რომ სოფლის მკვიდრები შეიკრიბონ და პრობლემით მერიას მიმართონ.

საკითხის გასარკვევად ეჰთირამ ამირხანლის დავუკავშირდით. მან თქვა რომ სარწყავი წყლის პრობლემის შესახებ იცის და ეს პრობლემა სოფელ ხანჯიღაზლოშიც არსებობს. ამბობს, რომ სოფელ ხანჯიღაზლოს მცხოვრებლებიც წვალობენ და ცდილობენ წყალი სოფელ თაქალოდან მიიყვანონ.

ამირხანლის თქმით, მდინარე დებედას წყალი რამდენიმე სოფელს ამარაგებს  სარწყავი წყლით და შორ მანძილზე წყლის დონეს ვერ იმატებს. ამ სოფელბიდან ერთ-ერთი კი კირაჩმუღანლოა.

„ხანის არხი მდინარე დებედადან მოდის და 6, 7 სოფელს ამარაგებს. ამიტომაც სირთულეები გვაქვს. ამინდების ბრალიცაა. კირაჩმუღანლოში იონჯას ფერთობებზე წყალი არისმ მაგრამ არხის წყალი სოფლამდე ვერ აღწევს“ - ამბობს ეჰთირამ ამირხანლი.
იგი ამბობს, რომ შესაბამისი ორგანოების, მელორაციის სამსახურის ამის შესაებ ინფორმაცია აქვს და ამ ჟამად სარწყავი წყალთან დაკავშირებით ახალი პროექტებზე მუშაობენ, ახლო დღეებში პრობლემა მოგვარდება.

Print