სააპელაციო სასამართლომ მარნეულელი სამოქალაქო აქტივისტის ძმა სამსახურში აღადგინა
14:20 / 08.11.2019
მარნეულელი სამოქალაქო აქტივისტის გიორგი მუმლაძის
ძმა , მანუჩარ მუმლაძე , რომელსაც რამდენიმე თვის წინ პრაქტიკულად
სამუშაო დააკარგვინეს, სააპელაციო სასამართლომ სამსახურში
აღადგინა.
ამის
შესახებ ინფორმაციას საკუთარ ფეისბუკ გვერდზე გიორგი მუმლაძე
ავრცელებს.
მანუჩარ მუმლაძე 12 თორმეტი წელი უწყვეტად მუშაობდა მესაზღვრედ წითელი ხიდის სამმართველოში, საიდანაც გაათავისუფლეს და მესტიის სამმართველოში დანიშნეს.
ძმის მარნეულიდან მესტიაში გადაყვანას 20 ივნისს განვითარებულ მოვლენებს უკავშირებს, სადაც გიორგი მუმლაძე ანტისაოკუპაციო აქციებში აქტიურად მონაწილეობდა. მესტიის სამმართველოში გადაყვანა, გიორგი მუმლაძის თქმით, ფაქტობრივად უმუშევრად დარჩენას ნიშნავდა, ვინაიდან, სამუშაო ანაზღაურება იქ ყოფნის შემთხვევაში ნახევრდებოდა. როგორც რადიო მარნეულთან მიცემულ ინტერვიუში გიორგი მუმლაძე ამბობს, სამართლიანობისათვის ბრძოლა რამდენიმე თვის წინ დაიწყეს.
„რეალურად ჩვენ ვითხოვდით აქტის შეჩერებას. ის ბრძანება, რომლითაც გადაყვანილი იქნა ჩემი ძმა ერთი ადგილიდან მეორეზე, ის შეაჩერა სააპელაციო სასამართლომ იმ დრომდე, სანამ საქმე არსებითად არ განიხილება. სააპელაციომ იმსჯელა და თქვა, რომ აქტი არის უკანონოდ გამოცემული და ზიანს აყენებს იმ ადამიანს, ვის მიმართაც არის გამოცემული“, - თქვა გიორგი მუმლაძემ და აღნიშნა, რომ რამდენიმე დღეში სასაზღვრო პოლიცია უზრუნველყოფს მანუჩარ მუმლაძის დაბრუნებას პირვანდელ სამუშაო ადგილზე.
მანუჩარის მესტიის სამმართველოში გადაყვანის ამბავი პირველ აგვისტოს შეიტყვეს.
მანუჩარ მუმლაძე 12 თორმეტი წელი უწყვეტად მუშაობდა მესაზღვრედ წითელი ხიდის სამმართველოში, საიდანაც გაათავისუფლეს და მესტიის სამმართველოში დანიშნეს.
ძმის მარნეულიდან მესტიაში გადაყვანას 20 ივნისს განვითარებულ მოვლენებს უკავშირებს, სადაც გიორგი მუმლაძე ანტისაოკუპაციო აქციებში აქტიურად მონაწილეობდა. მესტიის სამმართველოში გადაყვანა, გიორგი მუმლაძის თქმით, ფაქტობრივად უმუშევრად დარჩენას ნიშნავდა, ვინაიდან, სამუშაო ანაზღაურება იქ ყოფნის შემთხვევაში ნახევრდებოდა. როგორც რადიო მარნეულთან მიცემულ ინტერვიუში გიორგი მუმლაძე ამბობს, სამართლიანობისათვის ბრძოლა რამდენიმე თვის წინ დაიწყეს.
„რეალურად ჩვენ ვითხოვდით აქტის შეჩერებას. ის ბრძანება, რომლითაც გადაყვანილი იქნა ჩემი ძმა ერთი ადგილიდან მეორეზე, ის შეაჩერა სააპელაციო სასამართლომ იმ დრომდე, სანამ საქმე არსებითად არ განიხილება. სააპელაციომ იმსჯელა და თქვა, რომ აქტი არის უკანონოდ გამოცემული და ზიანს აყენებს იმ ადამიანს, ვის მიმართაც არის გამოცემული“, - თქვა გიორგი მუმლაძემ და აღნიშნა, რომ რამდენიმე დღეში სასაზღვრო პოლიცია უზრუნველყოფს მანუჩარ მუმლაძის დაბრუნებას პირვანდელ სამუშაო ადგილზე.
მანუჩარის მესტიის სამმართველოში გადაყვანის ამბავი პირველ აგვისტოს შეიტყვეს.
