თითქმის 10-ჯერ მეტი დაიხარჯება წელს მარნეულის საახალწლო მორთვაში

13:36 / 25.11.2019

მარნეულის მორთვაში მერია შარშანდელთან შედარებით თითქმის 10-ჯერ მეტ თანხას დახარჯავს. მაგალითად, გასულ წელს, საახალწლო მორთულობების შეძენა/მოწყობისა და თანმდევი მომსახურების (მონტაჟის) შესყიდვისათვის 25 719 ლარიანი ტენდერი გამოაცხადეს, იგივე ტპის ტენდერი კი წელს 247 000 ლარად გამოცხადდა. სატენდერო დოკუმენტაციის თანახმად, 2020 წლის შესახვედრად ქალაქში სხვადასვა ადგილზე, საახალწლო ილუმინაციები მოეწყობა.

1.ფანტანის და ფანტანის გარშემო სივრცის საახალწლო ილუმინაცია
2. ხიდის საახალწლო ილუმინაცია
3. რუსთაველის გამზირის საახალწლო ილუმინაცია
4. მერიის შენობის საახალწლო ილუმინაცია
5. მერიის შენობის წინ ნაძვის ხის საახალწლო ილუმინაცია
6. კულტურის ცენტრის საახალწლო ილუმინაცია
7. კულტურის ცენტრთან სკვერის საახალწლო ილუმინაცია

აღსანიშნავია ისიც, რომ 2019 წლის შემობრძანებაში ადგილობრივმა თვითმმართველობამ ჯამში 55 000 ლარამდე დახარჯა. ამ თანხაში კი საახალწლო ღონისძიება, საშობაო ნაძვის ხის შეძენა და ქალაქის მორთვა შედიოდა. თუ რატომ გაზარდა წელს მარეულის მერიამ თითქმის 10-ჯერ მხოლოდ საახალწლო მორთულობის შეძენის თანხა და რა განსაკუთრებულ სანახაობას გვთავაზობენ, ამას რადიო „მარნეული“ თვითმმართველობაში ამდრომდე არკვევს და ინფორმაციას უახლოეს პერიოდში შემოგთავაზებთ.

თეგები: ტენდერი საახალწლო მორთულობა მერია მარნეული

ავტორი:

თეა დავაძე