მარნეულში დაკავებული აქტივისტების სასამართლო სხდომა გდაიდო. გიორგი მუმლაძე და კიდევ ხუთი სამოქალაქო აქტივისტი ადმინისტრაციული წესით  მერიის მიმდებარე ტერიტორიაზე დააკავეს. მაშინ, როდესაც აქციას გიორგი მუმლაძის ძმის, სიმონ მუმლაძის მხარდასაჭერად მართავდნენ. გიორგი მიიჩნევს, რომ სიმონი მუნიციპალური შპს-დან მისი აქტიურობის გამო გამოუშვეს. მარნეულში დაკავებული აქტივისტები ბოლნისის სასამართლოში რამდენიმე საათის განმავლობაში ჰყავდათ გადაყვანილი, თუმცა სასამართლო სხდომა 19 მაისს ჩაინიშნა.

„ჩვენ შუამდგომლობა დავაყენეთ იმის თაობაზე, რომ ადვოკატები არ გვყავდა, მასალები ვერ მოვაგროვეთ საპასუხოდ რომ გვეკამათა და მოსამართლემ დააკმაყოფილა ეს შუამდგომლობა და გადაიდო სასამართლო 19 მაისამდე“ - თქვა ერთ-ერთმა დაკავებულმა. 

აქტივისტებს სამართალდარღვევათა კოდექსის 166-ე და 173- მუხლებს , წვრილმან ხულიგნობას და სამართალდამცავი ორგანოს თანამშრომლის დაუმორჩილებლობას და შეურაცხყოფას გულისხმობს.



ამავე თემაზე:
ადმინისტრაციულ სამართალდარღვევაზე გამკაცრებული სანქციები მე-2 მოსმენით მიიღეს