Qurumlararası Koordinasiya Şurasının Əməliyyat Qərargahının rəhbəri
Qiorqi Qibradzenin sözlərinə görə, hökumətin qərarı ilə
"gücləndirici" doza qəbul edəcək 50 yaşdan yuxarı şəxslər 100 lari
alacaqlar.
Bununla belə, Qibradzenin Qurumlararası Koordinasiya Şurasının
iclasından sonra bəyan etdiyi kimi, hazırda əlavə məhdudiyyətlər
tətbiq edilməyəcək.
“50 yaşdan yuxarı şəxslərin peyvənd olunmasının təşviqi
proqramının 1 ay müddətinə uzadılması qərara alınıb. Bundan başqa,
50 yaşdan yuxarı, gücləndirici doza ilə peyvənd olunan şəxslər 100
lari həcmində həvəsləndirici mükafat alacaqlar", -
Qibradze bildirib.
O, həmçinin vətəndaşları test zamanı şəxsi məlumatlarını, o
cümlədən telefon nömrələrini düzgün daxil etməyə çağırıb ki,
onlarla əlaqə yaransın.