Marneuli meriyası şagirdlərin nəqliyyatla təmin edilməsini sadələşdirilmiş qaydada 40 550 lariyə, “Time Servis” MMC-dən alıb.

Tender sənədlərinə görə, bu il şagirdlərin sayı artıb. Nəqliyyat lazım olan məktəblərin sayına Marneulinin Sadaxlı kənd 1 saylı məktəbi də əlavə olunub. Həmin məktəbdən şagirdlər Xuldərə və Sadaxlı 2 sayl ictimai məktəbinə bölünüblər. 465 şagird Xuldərədə, 194 isə Sadaxlı 2 saylı ictimai məktəbinə gedir.
Nəqliyyat xidmətinin təcili surətdə alınması məqsədi ilə Marneuli meri Kənan Ömərova bələdiyyənin Əmlak İdarəetmə və Maddi-Texniki Xidmət rəhbəri Aqil Əmircanov müraciət edib.

“Marneuli meriyasına Marneuli bələdiyyəsinin Resurs Mərkəzindən gəlmiş 2024-cü il 29 avqust tarixində olan məktubla əlaqədar xatırlatmaq istəyirəm ki, “İctimai məktəb şagirdlərinin nəqliyyatla təmin edilməsi proqramı çərçivəsində” Marneuli bələdiyyəsində məktəb şagirdlərinin nəqliyyatla təmin edilməsini 2024-cü ilin 10 yanvar tarixinə olan müqavilə əsasında “Time Servis” MMC həyata keçirir. Təqdim olunan məktubdan aydın olur ki, 2024-cü ilin sentyabr-dekabr ayında mövcud olan istiqamətlər əlavə tələb edir. Eləcə də şagird sayı da çoxalıb. Qeyd olunan dəyişikliklə əlaqədar 2024-cü ilin 2 sentyabr tarixində “Time Servis” MMC-yə məktubla müraciət etdik. “Time Servis” MMC şagirdlərin nəqliyyatla təmin edilməsini yanız əlavə 1 nəzərə almaqla həyata keçirməyə hazır olduğunu bildirir. Bu isə müqavilə dəyərinin 64 658,84 lari artırılmasına səbəb olacaq”- izahatnamədə yazılıb.

“Time Servis” MMC Marneulili şagirdlərə təxminən 5 ay ərzində 40 550 lariyə xidmət göstərməli olacaq. Şirkət 1 kilometrə 4,80 lari alacaq.